Халықаралық балалар мен жасөспірімдер қозғалысы

Халықаралық балалар мен жасөспірімдер қозғалысы - халықаралық балалар бірлестігін құруға талпыныстар XIX ғ. ортасында жасалған.

1855 ж. Ұлыбритания, Бельгия, Германия, Нидерланд, АҚШ, Франция, Швейцария мен Шотландияның протестанттық қайраткерлері жас христиандар ассоциациясының әлемдік альянсын (ИМКА) құрған. Бұл балалар мен жасөспірімдер арасында белсенді жұмыс атқарған алғашқы ұйым болған.

19 ғ. соңында Германияда, Чехияда т.б. Еуропа елдерде діни, әскери-спорттық топтар мен кеңестер жұмыс істеген. Бірақ ең кең тарағаны Ұлыбританияда XX ғ. басында құрылған скауттар қозғалысы болды. XIX ғ. мен XX ғ. шегінде жастардың төңкерістік қозғалыстарының дамуымен демократиялық бағыттағы балалар козғалысы пайда болды.

20 ғ. бірқатар ұйымдар пионерлер қозғалысына бірікті, басқалары социология-демократилық бағыттағы социалистік интернационалдық тәрбие козғалысы мен халықаралық «Соколы» козғалысын құрды (казір біртұтас ұйым).

XX ғ. басында Австрия, Ұлыбритания, Швецияда т.б. елдерде алғашқы болып балалардың социалистік топтары мен «балалардың достары» одағы құрылды. Олар жексенбілік мектептер сияқты құрылып, ағартушылық, мәдени сипатта жұмыс істеді. Төңкеріс кезінде Ресейде көптеген балалардың коммун. топтары пайда болды.

1922 ж. біркелкі пионерлер ұйымы құрылды. Бұл уақытта Австрия, Бельгия, Нидерланд, Германия, Чехословакия елдерінде т.б балалардың ком. одақтары болған еді. 1 Халықаралық конференцияға (1922 ж. Берлин) 11 ұлттық қозғалыс қатысты.

20 жж. балалар мен жасөспірімдер қозғалысының дамуына Коминтерн мен Коммун. Интернационал (КИМа) қызметі ықпал етті. Оның жанынан Балалардың коммун. Қозғалысы комитеті мен Халықаралық балалар бюросы ұйымдастырылды.

30 жж. ортасында КИМа-ның 6 конгресі қаулысымен балалардың коммун. ұйымы таратылды.