Хусаин Хасенұлы Валиев

Хусаин Хасенұлы Валиев

Хусаин Хасенұлы Валиев

1948 жылдың 26 наурызында Қостанай облысының Семиозерск ауданында туған. Қазақ

Әкесі - Валиев Хасен Нұрғалиұлы, зейнеткер. Анасы -Валиева Бақытжамал Бақытжанқызы, зейнеткер.

В.И. Ленин атындағы Қазақ политехникалық институтын бітірген (1971), инженер-металлург.

Техника ғылымдарының кандидаты (1978), докторы, РҺD философия докторы (1998). Докторлық диссертациясының тақырыбы: «Полиметалл шикізатын автогенді еріту процестеріндегі сирек металдар әрекетінің физика-химиялық негіздері». Қ.И. Сәтбаев атындағы қазақ ұлттық техникалық университетінің профессоры (1999 жылдан). Еуропалық кеңес Халықаралық кадрлық академиясының - ЮНЕСКО (1999 жылдан) , ҚР жоғары мектебінің (2004 жылдан), Еуразия халықаралық экономиялық академиясының (2005 жылдан) , Халық аралық ақпараттандыру академиясының (2005 жылдан) академигі. «Полиметалл шикізатын кешенді өңдеу» (1997), «Қорғасын және мырыш металлургиясы» (2000), «Білім беру кеңістігі» (2009) кітаптарының; 130-дан астам ғылыми жарияланымның авторы.

Қазақ және орыс тілдерін біледі.

«Нұр Отан» ХДП мүшесі (2003 жылдан).

1966 жылдан - В.И. Ленин атындағы Қазақ политехникалық институты жалпы және теориялық физика кафедрасының студенті , аспиранты, 1981 жылдан - ассистенті , аға оқытушысы, доценті , кафедра меңгерушісі . 1993 жылдан - біліктілікті арттыру орталығының аға ғылыми қызметкері , директоры, Қ. И. Сәтбаев атындағы Қазақ ұлттық техникалық университетінің проректоры. 2000 жылдан - М. Қозыбаев атындағы Солтүстік Қазақстан мемлекеттік университетінің проректоры. 2001 жылдан - А. Байтұрсынов атындағы Қостанай мемлекеттік университетінің ректоры.

2008 жылдың желтоқсан айынан бері - ҚР Парламенті Сенатының депутаты, Әлеуметтік-мәдени даму комитетінің мүшесі.

Облыстық мәслихаттың депутаты (2003-2008) .

Қостанай облыстық ректорлар кеңесінің төрағасы (2006). «Нұр Отан» ХДП бюро мүшесі , облыстық филиалы тера- ғасының орынбасары (2003 жылдан).

Қазақстанның Еңбек сіңірген қайраткері (2005).

«Құрмет» (2005) орденімен; «ЗРІ Ғгапсе» (2001), «Қазақстан Республикасының тәуелсіздігіне 10 жыл» (2001), «Тыңға 50 жыл» (2004), «Еуропалық оқытушы» (2005), «Қазақстан Парламентіне 10 жыл» (2006), «Қазақстан Республикасының ғылымын дамытуға сіңірген еңбегі үшін» (2007) медальдарымен марапатталған.

Әскери атағы - капитан.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Экономикасы гүлденуші әрі демократиялық қағидалар негізінде дамыған ел».

Хоббиі - табиғатта демалу.

Сүйіп оқитын әдебиеті - тарих, классика және фантастика.

Үйленген. Жұбайы - Валиева Гүлнәр Абайқызы, Халықаралық адам құқықтары жөніндегі бюроның Қостанай филиалының директоры.