Чернобыль (мини-сериал)
Навигацияға өту
Іздеуге өту
| Чернобыль | |
| |
| Жанры | тарихи драма триллер |
|---|---|
| Идея авторы | Крейг Мейзин |
| Композиторы | Хильдур Гуднадоуттир |
| Мемлекет |  АҚШ Ұлыбритания
|
| Тілі | ағылшын тілі |
| Сериялар саны | 5 |
| Өндіріс | |
| Режиссёрі | Йохан Ренк |
| Операторы | Якоб Ире |
| Сценарист | Крейг Мейзин |
| Серия ұзақтығы | 60—72 минут |
| Хабар тарату | |
| Телеарна | HBO (АҚШ) Sky Atlantic (Ұлы Британия) 1+1 (Украина) |
| Бейне форматы | UHDTV 2160p |
| Таратылым кезеңі | 6 мамыр 2019 — 3 маусым 2019 |
| Сілтемелер | |
| IMDb | ID 7366338 |
өңдеу  |
|
«Чернобыль» (ағылш. Chernobyl) — Чернобыль апаты туралы баяндайтын америкалық-британдық драмалық сериал.
Мини-сериал 2018 жылдың төрт айы ішінде түсірілді. Чернобыль атом электр станциясындағы негізгі оқиғаларды көрсету үшін Литвадағы Игналиналық АЭС пайдаланылды, эпилогтың көп кадрлары Украинада түсірілді.
Сценарий жазар алдында Крейг Мейзин екі жарым жылдай мұрағаттық құжаттарды зерттеген. Сондай-ақ ол Светлана Алексиевичтің «Чернобыльская молитва» сияқты әдеби шығармалардан да шабыт алған.
Мини-сериал 2019 жылы көрсетілді, бес сериядан тұрады.
«Чернобыль» туралы көбінесе ұнамды пікірлер айтылып, ол көптеген телевизиялық және киносыйлықтарға ие болып шықты, оның ішінде он «Эмми» сыйлығы да бар.
Актёрлер[өңдеу | қайнарын өңдеу]
Негізгі ұжым[өңдеу | қайнарын өңдеу]
- Джаред Харрис — Валерий Алексеевич Легасов, Курчатов институты директорының орынбасары және Чернобыль апаты салдарын жою бойынша үкіметтік комиссияның мүшесі.
- Стеллан Скарсгард — Борис Евдокимович Щербина, КСРО Министрлер Кеңесінің төраға орынбасары және аталған комиссияның бастығы.
- Эмили Уотсон — Ульяна Хомюк, ойдан шығарылған кейіпкер, ядролық энергетикамен айналысатын ғалымдардың жинақтама бейнесі, сериалда беларус ғалымы және комиссия мүшесі ретінде көрсетілген.
- Пол Риттер — Анатолий Степанович Дятлов, Чернобыль АЭС бас инженерінің орынбасары.
- Джесси Бакли — Людмила Игнатенко, Василий Игнатенконың жұбайы.
- Адам Нагайтис — Василий Иванович Игнатенко, 25 жастағы өрт сөндіруші, СВПЧ-6 бөлімінің командирі, Припять тұрғыны.
- Кон О’Нил — Виктор Петрович Брюханов, Чернобыль АЭС директоры.
- Эдриан Роулинс — Николай Фомин, Чернобыль станциясының бас инженері.
- Сэм Тротон — Александр Фёдорович Акимов, № 4 энергоблоктың түнгі ауысым бастығы.
- Роберт Эммс — Леонид Фёдорович Топтунов, реактор басқаруының аға инженері.
- Давид Денсик — Михаил Сергеевич Горбачёв, КОКП Орталық Комитетінің бас хатшысы.
- Марк Льюис Джонс — генерал-полковник Владимир Карпович Пикалов, химиялық әскерлердің қолбасшысы.
- Алан Уильямс — Чарков, ойдан шығарылған кейіпкер, сериалда КГБ төрағасының бірінші орынбасары ретінде көрсетілген.
- Алекс Фернс — Андрей Глухов, шахтёрлердің бригадирі.
- Ральф Айнесон — генерал-майор Николай Тараканов, ликвидаторлардың әскери бөлімшелерінің қолбасшысы.
- Барри Кеоган — Павел Гремов, ликвидатор ретінде шақырылған азамат.
- Фарес Фарес — Бачо, грузин солдаты, Павелдың жаттықтырушысы.
- Майкл Макэлхаттон — прокурор Андрей Степашин, Дятлов, Брюханов және Фоминдердің ісін қарайды.
Қосалқы ұжым[өңдеу | қайнарын өңдеу]
- Адам Лундгрен — Вячеслав Бражник, турбиналық цехтің машинисі.
- Карл Дэвис — Виктор Проскуряков, инженердің көмекшісі.
- Дональд Самптер — Жарков, Припять горисполкомының мүшесі.
- Надя Клиффорд — Светлана Зинченко, Припятьтағы дәрігер.
- Джейми Сивес — Анатолий Андреевич Ситников, Чернобыль станциясының бірінші кезегін басқару бойынша бас инженер орынбасары.
- Билли Постлетуэйт — Борис Столярчук, инженерлердің бірі.
- Джошуа Ли — Игорь Киршенбаум, инженерлердің бірі.
- Балтасар Бреки Сампер — Алексей Михайлович Ананенко, жарылған реактор астындағы су вентильдерін ашуға жіберілген жұмысшы.
- Филипп Барантини — Валерий Алексеевич Беспалов, жарылған реактор астындағы су вентильдерін ашуға жіберілген жұмысшы.
- Оскар Гиз — Борис Александрович Баранов, жарылған реактор астындағы су вентильдерін ашуға жіберілген жұмысшы.
- Дуги МакМекин — Александр Ювченко, инженерлердің бірі.
Эпизодтары[өңдеу | қайнарын өңдеу]
| № | Эпизод атауы | Режиссёр | Сценарист | Тұсаукесері | Көрермен саны, млн (АҚШ) |
Көрермен саны, млн (Ұлыбритания) |
|---|---|---|---|---|---|---|
| Чернобыль апатынан екі жыл өткен соң оның себептерін анықтайтын комиссияның төрағасы Валерий Легасов Мәскеудегі үйінде отырып, негізгі кінәлі инженер Анатолий Дятлов болды деп ұйғарады, бұл ойларын кассетаға жазады, сосын өзіне қол жұмсайды.[1] Екі жыл бұрынғы Припять көрсетіледі, өрт сөндіруші Игнатенконың әйелі Людмила түнде оянып, сағат 01:23:45-те қалаға жақын орналасқан Чернобыльдегі реактор жарылуының куәгері болады. Атом станциясының диспетчерлік бөлімінде отырған инженерлер жарылыстан кейін естерін жинайды, Дятлов жарылыстың себебін дұрыс түсінбей, өрт сөндірушілерді шақыртады және көмекшілеріне жоқ болған реакторды қалай да болса суыту керек деп бұйрық айтады. Инженерлердің көбісі және жаңа жеткен өрт сөндірушілер де өздері білмей қатты радиацияға ұшырайды. Дятловтың есебіне сенген Брюханов пен Фомин басқарған комиссия оқиғаның мәнін азайттырып, Припятьты эвакуациялаудан бас тартады. Инженер Ситников реактор ішінде болатын графитті жерде кесек-кесекпен жатқанын көрдім деп хабарлағанда, бұл үшеуі оған сенбей, оны станция шатырынан визуалды тексеріс жасасын деп жібермекші болады. Мәскеуде жұмыс істейтін Легасов сарапшы ретінде арнайы комиссияға шақыртылады. | ||||||
| Таңертең Минскіде жұмыс істейтін Ульяна Хомюк аспаптардың көмегімен радиацияның жоғарылағанын байқайды. Ал Припятьта аурухана адамдарға лық толы болады, сонда жүрген Людмила Василийдің емделу мақсатымен Мәскеуге жіберілгенін біліп, сонымен бірге ұшады. Мәскеуде Борис Щербина Горбачёвке апаттың зор емес екенін жеткізеді, бірақ отырысқа қатысқан Легасов бұнымен келіспей, реактордың жарылғаны туралы пікір айтады. Легасов пен Щербина Чернобыльге жіберіледі, тікұшақтан олар шатырда жатқан графит кесектерін және ерекше сәулеленуді көреді. Қонғанда Брюханов пен Фомин Легасовтың қателескенін айтады. Нақты радиация мөлшерін анықтау үшін генерал Пикалов арнайы қорғайтын кіимді киіп, өте дәл дозиметрмен апат ошағына аттанады. Дозиметр көрсеткіштері Легасовтың көзқарасын растайды. Әскерилер жарылған реактордың өртін құм және бормен сөндіре бастайды, Припять халқы эвакуацияланады. Хомюк Чернобыльге келіп жетеді, ол Легасов пен Щербинаға балқыған радиоактивті қалдықтардың жиналған сумен әрекеттескенде жаңа жарылыстың болу қаупін жеткізеді. Станция құрылысын білетін үш жұмысшы Алексей Ананенко, Валерий Беспалов және Борис Баранов суды шығаруға керекті вентильді ашу үшін реактор астына түседі. | ||||||
| (эпизодтың қысқаша мазмұны) | ||||||
| (эпизодтың қысқаша мазмұны) | ||||||
| (эпизодтың қысқаша мазмұны) | ||||||
Дереккөздер[өңдеу | қайнарын өңдеу]
- ↑ OBITUARIES : Valery A. Legasov, 51; Chernobyl Investigator. Los Angeles Times (April 30, 1988).