Шахрух
Шахрух (1377 — 1447) — Әмір Темірдің кіші баласы және мирасқоры, Хорасанның билеушісі (1396 — 1447). Әкесі қайтыс болғаннан кейін бірнеше жылға созылған Темір әулеті арасындағы тақ үшін өзара күрес нәтижесінде 1409 жылы Шахрух бұрын Әмір Темірдің қарамағында болған аумақтардың барлығын қол астына біріктірді. Оның тұсында экономикалық қатынастар одан әрі дамып, жер иеленушілік кеңейе түсті (әсіресе сойырғал). Шахрух Әмір Темір құрған мемлекет аумағының біртұтастығын сақтап қа-луға тырысты. Бірақ мемлекет іс жүзінде екіге бөлінген еді (Мауераннахр мен Хорасан) Шахрух мемлекеттің негізгі астанасын Самарқандтан Герат қаласына ауыстырды. Ол қайтыс болғаннан кейін орнына Ұлықбек таққа отырды. Бірақ оны көп ұзамай бәсекелестері өлтірді де, Шахрухтың басқа мұрагерлері арасында билік үшін кескілескен күрес басталды. Осыдан кейін көп ұзамай Әмір Темір құрған мемлекет ыдырап кетті.
Сілтемелер [өңдеу]
- Қазақ Энциклопедиясы, 9 том.
 |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
Суретті мыннан табуға болады:
|
 |
Бұл мақаланы Уикипедия сапа талаптарына лайықты болуы үшін уикилендіру қажет.
Мақаланы безендіру нұсқаулығына сәйкес көркемдеңіз.
|
