Шекараны бұзушылар

Шекараны бұзушылар. Мыналар Қазақстан Республикасының Мемлекеттік шекарасын бұзушылар болып табылады:

— Қазақстан Республикасының Мемлекеттік шекарасын Қазақстан Республикасының Мемлекеттік шекарасы арқылы өткізу пункттерінен тыс немесе өткізу пункттерінде солар арқылы, бірақ шекарадан өтудің белгіленген ережелерін кез келген әдіспен бұзып өткен немесе өтуге тырысқан адамдар;

— Қазақстан Республикасынан заңсыз кету мақсатымен шетелдік және шетелге бара жатқан қазақстандық құралдарға кірген немесе кіруге тырысқан адамдар:

— Қазақстан Республикасының аумақтық теңізіне немесе ішкі суларына, сондай-ақ шекаралық өзендер мен өзге де су қоймалары суларының казақстандық бөлігіне ондай суларға кірудің белгіленген ережелерін бұзып кірген шетелдік әскери емес кемелер мен әскери кемелер. Шетелдік сүңгуір қайықтар және су астында жүзетін басқа да көлік құралдары Қазақстан Республикасының Мемлекеттік шекарасынан су астындағы жағдайда өткен ретте немесе Қазақстан Республикасының суларында жүзген және тұрған кезінде осындай жағдайда болған ретте де олар Қазақстан Республикасының Мемлекеттік шекарасын бұзушылар болып табылады;

— Қазақстан Республикасының Мемлекеттік шекарасынан тиісті рұқсатсыз өткен немесе Қазақстан Республикасының Мемлекеттік шекарасы аркылы ұшып өтудін ережелерін баскаша бұзған әуе кемелері мен басқа да ұшу аппараттары.

— Қазақстан Республикасының

Мемлекеттік шекарасын басқа да кез келген техникалык немесе өзге құралдармен тиісті рұқсатсыз немесе белгіленген тәртіпті бұзып өту де оны бұзу болып табылады.