Ыспарта

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Ыспарта (қала) – Түркиядағы қала, Ыспарта илінің әкімшілік орталығы[1].

Халық саны 420 мың адам (2007 жылғы халық санағының нәтижесі). Теңіз деңгейінен 1035 м биіктікте. Қала қызғылт майы және әсем кілемдерімен атақты. Хет кезеңінде негізі қаланған қала Лидияның құрамында болған, кейін Александр Македонский қаланы жаулап алады. 1203 жылы түрік селжұқтары қаланы жаулап алып, ХІV ғасырға дейін Хамитоглу (Hamidoğlu) эмирінің басқаруында болды. Хамидоглу сол кезеңде бүкіл Көлді аймақтың астанасы болатын. Селжұқтардан кейін қала Хамит бейлігінің астанасы болып (1280-1391), оның соңғы билеушісі қаланы Осман сұлтаны І Баязитке 85 мың алтын тиынға сатып жібереді. 1932 жылға дейін қалада грек қауымы мекен еткен. Тарихи ескерткіштерден Селжұқ кезеңінде қаланған қала бекінісі мен ХІV-ХV ғасырларға жататын бірнеше құрылыстар, Хызыр-бей мешіті (1317 жыл) сақталған.

Дереккөздер[өңдеу]

  1. http://ru.wikipedia.org/wiki/%D0%98%D1%81%D0%BF%D0%B0%D1%80%D1%82%D0%B0