Ығай мен сығай

Ығай мен сығай. Қазіргі түсінігімізде — іріктелген, таңдаулы. «Профессорлардың бәрі де ығай мен сығайлар» (С.Мұқанов). Екі сөздің біреуі де қазақ тілінде жеке тұрып қолданылмайды әрі мағына да иеленбейді. Бірақ кейбір түркі тілдері мен монғолдарда әр қайсысының өзіне меншікті мағыналары бар. Якуттарда —«ығай», тува тілінде—«чугула», ал монғолша — «чухал» тұлғалы сөздер «маңызды» дегенге мезгейді. Ал бізде осы екі сөзді қоса қабаттастыра айтқанда ғана жоғарыдағы өзімізге тән мағынаны түсіндіретін болып қалыптасқан.