Қаржаубай Бекболатов

Қаржаубай Бекболатов
Дүниеге келгені:	1950 наурыз Жамбыл облысының Жамбыл ауданы
Мансабы:	Жамбыл облыстық әкімдігінің Еңбекпен қамтуды үйлестіру және әлеуметтік бағдарламалар басқармасы бастығы

Қаржаубай Бекболатов 1950 жылы 1 наурызда Жамбыл облысының Жамбыл ауданында туған. Қазақ.

Қазтұтынуодақтың Семей аң-тері техникумын (1970) тауартанушы мамандығы бойынша; Жамбыл жеңіл және тамақ өнеркәсібінің технологиялық институтын (1990) инженер- экономист мамандығы бойынша бітірген. «Мемлекеттік қамқорлық аясы кеңейеді», «Әлеуметтік көмек әрбір мұқтаж жанға берілсін», «Оңалту бағдарламасы әрекетте», «Бизнестің әлеуметтік жауапкершілігі болуы керек» мақалалары мен жарияланымдарының авторы. Қазақ, орыс, неміс (сөздікпен) тілдерін біледі. «Нұр Отан» ХДП мүшесі.

1967-1968 жылдары - «Қаракемер» кеңшарында қант қызылшасының есебін жүргізуші. 1970 жылдан - Жуалы аудандық кеңсесінің дайындаушысы. 1972 жылдан - Жамбыл аудандық АДК қойма меңгерушісі. 1974 жылдан - Талас ҚДК директорының орынбасары. 1975 жылдан - Жамбыл ОТО экономисі. 1983 жылдан - Шу ауданының ҚДК қаржыгөрі. 1985 жылдан - Шу АТО Басқарма төрағасы. 1995 жылдан - «Жомарт» АҚ бас директоры. 2003 жылдан - Жамбыл облыстық Коммуналдық меншік департамөнтінің бастығы. 2005 жылдан - Жамбыл облыстық әкімдігінің «Табиғи монополиялардың қызметін реттеу және бәсекені қорғау департаменті» MM бастығы. 2006 жылдан - Жамбыл облыстық әкімдігінің «Тарифтер жөніндегі басқарма» MM бастығы.

2007 жылдан бері - Жамбыл облыстықәкімдігінің Еңбекпен қамтуды үйлестіру және әлеуметтік бағдарламалар басқармасы бастығы. Жамбыл облыстық мәслихатының 2-ші шақырылым депутаты (1995-1999).

«Ерен еңбегі үшін», «Қазақстан Конституциясына 10 жыл», «Қазақстан Парламентіне 10 жыл», «Қазақстан Республикасы мемлекеттік қызмет істері жөніндөгі агенттігіне 10 жыл» медальдарымен марапатталған.

Діни көзқарасы -мұсылман. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан әлемнің дамыған 50 мемлекетінің қатарына қосылады». Хоббиі - спорт, халық музыкасы. Сүйіп оқитын әдебиеті - классикалық әдебиет, қазақ әдебиеті.

Үйленген. Жұбайы - Бекболатова Тұрғанкүл Дәпиқызы (1952 ж. т.), үй шаруасында. Қызы - Бекболатова Нұржамал (1973 ж. т.); үлдары - Бекболатов Жандос (1975 ж. т.), Бекболатов Жанболат (1978 ж. т.), Бекболатов Диас (1994 ж. т.).