Қуандық Нұрбаев
Қуандық Нұрбаев (1940 жылы туған, қазіргі Атырау облысы Жылыой ауданы Қосшағыл кенті) – ғалым-зоотехник, ауыл шаруашылығы ғылым кандидаты (1993). Орал техника училищесін (1960), Ресейдегі Кострома ауыл шаруашылығы институтын бітірген (1967). 1967 – 93 жылдары Атырау, Маңғыстау облыстарында партия, ауыл шаруашылығы қызметтерінде істей жүріп, Қазақ қой шаруа технология ғылыми-зерттеу институтының аспирантурасын бітірген. Нұрбаевтың негізгі ғылыми жұмысы Қазақстанның Оңтүстік-Батыс жағдайында қазақтың қос өркешті түйе тұқымын бордақылап және жайып семірткендегі ет өнімділігін арттыруға арналған. Әр жастағы қазақы түйе етінің морфологиялық, химиялық құрамдары, т.б. қасиеттерін дүние жүзінде алғаш зерттеген ғалым. ҚР Қаржы министрінің Құрмет грамотасымен марапатталған (2001, 2003).[1]
Дереккөздер[өңдеу | қайнарын өңдеу]
- ↑ «Атырау» энциклопедиясы, Алматы, 2000;
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |