Әбділәкім Ысқақ

Әбділәкім Ысқақ (1960 ж. т., Ордабасы ауданы Бөржар аулы) – ақын, Ордабасы ауданының құрметті азаматы. Шымкент педагогилық институтының физика факультетін және Алматы мемлекеттік университетінің заң факультетін бітірген. 1980 – 1995 ж. өзі оқыған орта мектептің мұғалімі, Бөген аудандық партия комитетінің идеология бөлімінің нұсқаушысы, «Лениншіл жас» (қазіргі «Жас Алаш») газетінің Қызылорда, Шымкент, Жамбыл облыстарындағы меншікті тілшісі, халық депутаттары Шымкент облыстық кеңесінің баспасөз хатшысы, Ордабасы аудандық білім бөлімінің меңгерушісі болған. 1995 ж. желтоқсанда баламалы негіздегі ҚР Парламенті Мәжілісінің депутаты болып сайланды. 1999 жылдың желтоқсан айынан Президент Әкімшілігінің мемлекеттік инспекторы қызметінде. 1989 ж. Самарқандта өткен Орта Азия және Қазақстан жастары өнер фестивалінің лауреаты, республика «Жігер» фестивалінің дипломанты (1985), С.Ерубаев атындағы Шымкент облысы Жастар сыйлығының лауреаты (1992). «Абзалдық әліппесі» атты кітабы бірқатар университеттер мен мектептерде пән ретінде оқытылуда. Астана медалімен, ҚР Президентінің алғысымен марапатталған.

Шығармалыр

Қарлығаш. Жас ақындар жинағы., Алматы, 1987; Желтоқсан құрбандарын жоқтау. Ұжымдық жинақ, Алматы, 1992; Бір физиктің махаббаты. Сықақ өлеңдер, Алматы, 1993; Айтшы өмір. Өлеңдер жинағы, Алматы 1994; Үш жүздің басын қосқан Ордабасым. Тарихи танымдық кітап, Алматы, 1994; Абзалдық әліппесі, Алматы, 1996.

Cілтемелер

"Оңтүстік Қазақстан облысының энциклопедиясы"