Әбуғалиев Сүйіншібек

Әбуғалиев Сүйіншібек (1954, Атырау облысы). Техника ғылымдарының кандидаты (2005). Гурьев политехникумын (1973), Қазақ политехникалық институтын (1987) бітірген. 1973-1975 жылдары - КМБЭ-де бұрғышының көмекшісі, бұрғышы. 1975-1998 жылдары - тереңге бұрғылайтын Каспий маңы МБЭ-нің бұрғышысы, бұрғылау шебері, бұрғылау бастығы, ОИТҚ-ның, ӨҚКБ-ның бастығы, Қазақтың геологиялық-барлау ғылыми-зерттеу институтыэкспедиция бастығының орынбасары, топ жетекшісі, Атырау тәжірибелік-әдістемелік экспедициясының бастығы. 1998-2002 жылдары - Қазақтың геологиялық-барлау ғылыми-зерттеу институтының вице-президенті. 2002 жылдан - «Адай Петролеум Компани» ЖШС бас директоры. «Жер қойнауын барлаудың үздігі» (2003), «Жер қойнауының Құрметті барлаушысы» (2005) белгілерімен марапатталған.