Әбу Үбәйда ибн Жәрраһ

Амир
Әбу Үбәйданың Балқы, Иорданияғы бейіті
Дүниеге келгені:	583 Мекке, Сауд Арабиясы
Қайтыс болғаны:	638 Иордан жазығы, , Иордания.

Әбу Үбәйда ибн Жәррах (583-638) (Арабша: أبو عبيدة عامر بن عبدالله بن الجراح Әбу Үбәйда Амир бин Абд Аллаһ бин әл-Жәррах) – Исламмен алғаш табысып, жәннатпен сүйіншіленгендердің бірі. Азан шақырып қойған аты - Амир, лақап есімі - атасының атына байланысты Әбу Үбәйда ибн Жәррах деген атпен танымал болды. Жетінші атада Хазіреті Пайғамбарымызбен (с.а.у.) туыстығы бар. Исламды қабылдағаны үшін, жас болғанына қарамастан, мүшрік әкесі Әбу Үбәйданы үйінен қуды. Ол ең қиын шарттар мен шақтарда дініне опасыздық жасап орта жолда тастап кетпеуге бар күшін салды. Эфиопияға һижрет етуге жол ашылған кезде мүшріктердің зәбірліктері мен зұлымдықтарынан құтылу үшін һижрет етті. Кейін Мединеге һижрет етіп, Расулаллаһтың (с.а.у.) қасына барды.

Әбу Үбайданың Йордан жазығындағы қабірі, Иордания

Йемендіктер Пайғамбарымыздан (с.а.у.) Исламды және сүннетті үйрететін мұғалім сұрағанда, Аллаһ Елшісі (с.а.у.) оларға осы Әбу Үбәйда ибн Жәррахты (р.а.) жіберген. Хазіреті Әбу Үбәйда ибн Жәррахтың басшылық қабілетін, парасаттылығын жоғары бағалаған халифа Омар оны өзінен кейін халифа болып сайлануға ең лайық адам деп тапқан еді. Омар ибн Хаттаб «Егер Әбу Үбәйда тірі болғанда, соны сайлар едім. Өйткені, Аллаһ оны неге таңдағанымды сұрар болса, Аллаһ Расулы (с.а.у.) ол жайлы «үмбеттің сенімдісі» дегенін естігенімді айтар едім...» деген болатын.

Әбу Бәкір Сыдықтың халифалығы кезінде ол Сирияны алу үшін жасақталған әскерге қолбасшы болып тағайындалды. Хумус, Сирия және Антакияға дейінгі жерлер Әбу Үбәйда ибн Жәррах бастаған Ислам әскерлерімен алынды. Одан кейін Иерусалимді қоршауға алған Әбу Үбәйда ибн Жәррах иерусалимдіктерді бейбіт бітімге көндірді. Бірақ иерусалимдіктер бейбітшілік келісімін тек Омар Фаруқпен жасайтындықтарын айтты. Әбу Үбәйда ибн Жәррахты Мединеге жіберді. Хазіреті Омар Әлиді (р.а.) орнына қалдырып ұзақ жолаушылықтан кейін Иерусалимге аман-есен жетіп, ол жердің кілтін қолына алды.

Омардың халифалығы тұсында мұсылмандардың арасында аштық болды. Хазіреті Омар әкімдерден жәрдем сұрады. Оған алғаш жәрдем еткен де Әбу Үбәйда ибн Жәррах болды. Сирияның әкімі болған ол төрт мың жүк артқан керуенді Мединеге өзі бастап барып, халыққа бөліп берді.

Өз міндетіне адал, Аллаһ Елшісіне (с.а.у.) сүйіспеншілігі шексіз Әбу Үбәйда ибн Жәррах (р.а.) қол астындағыларды қанаттыға қақтырмайтын, тұмсықтыға шоқытпайтын. Оның мейірімділігін тек мұсылмандар ғана емес, христиандар да көрді. Сондықтан да христиандар оған адал қызмет етті.

Үмбеттің сенімдісі Әбу Үбәйда ибн Жәррах Сирияға билік құрған тұста тарихта «әмуәс обасы» деген атпен белгілі болған індет шықты. Ол өңірде обаның шыққанын естіген Хазірет Омар оған Мәдинаға қайтуын өтініп хат жолдайды. Әбу Үбәйда ибн Жәррах «бауырларымнан айырыла алмаймын» деп сол жерде қалып қояды. Ақырында обадай шейіт болады. Бұл обадай көптеген сахабалар да о дүниелік болады. Әбу Үбәйда ибн Жәррах өзінің орнына Муаз ибн Жәбәлді қойдырып, мына өсиетті айтады:

«Намаздарыңды оқып, оразаларыңды ұстап, садақаларыңды беріп, қажылықтарыңды өтеңдер. Бір-бірлеріңізге қамқор болып, басшыларыңызға бағынып, оларға адал қызмет етіңдер. Дүние сізге опық жегізбесін. Адам мың жыл өмір сүрсе де, көретін нәтижесі мынау: Аллаһ адамдардың пешенесіне өлімді жазған, сондықтан бәрі де өледі. Адамдардың ең ақылдысы - Аллаһқа бағыныш ақырет үшін еңбек еткен адам. Бәріңізге Аллаһтың есендігі мен мейірімін, кешірімі мен берекетін тілеймін...»

Сирияның әкімі болып тұрған кезде сол жердің халқы түгел Әбу Үбәйда ибн Жәррахтың әділ басшы екеніне бірауыздан куәлік еткен. Оның мүбарак сүйегі қазіргі Иорданияның Бәйсин аймағындағы өзінің атымен аталатын елді мекенде жатыр.

Пайдаланған әдебиет

Сахабалар

Аббад ибн Бишр ○ Аббас ибн Абд әл-Мутталиб ○ Абдуллаһ ибн Аббас ○ Абдуллаһ ибн Абд әл-Асад ○ Абдуллаһ ибн Мәс'уд ○ Абдуллаһ ибн Рауәһә ○ Абдуллаһ ибн Сайләм ○ Абдуллаһ ибн Үбайи ○ Абдуллаһ ибн Умм-Мактум ○ Абдуллаһ ибн әз-Зүбәйір ○ Абдуллаһ ибн Омар ○ Абд ар-Раһмән ибн Әбу Бәкір ○ Айша бинт Әбу Бәкір ○ Әбу Зәрр әл – Ғифари ○ Абдуллаһ ибн Хузафа әс-Саһми ○ Абдуллаһ ибн Джа'фар ○ Абдуллаһ ибн Сәлам ○ Әбу Әйюб әл-Ансари ○ Әбу Бәкір ○ Әбу Дарр әл-Ғифари ○ Әбу Дуджана ○ Әбу Фуһәйра ○ Әбу Худайфа ибн әл-Муғира ○ Әбу Һурәйра ○ Әбу Суфьян ибн Һарб ○ Әбу Суфьян ибн әл-һарис ○ Әбу Үбәйда ибн Жәрраһ ○ Әбу әл-Аас ибн әр-Рабиа ○ Әбу әд-Дарда ○ Әбу Худайфа ибн Утбә ○ Әбу Муса әл-Әша'ри ○ Әбу Са'ид әл-Худри ○ Әкиб ибн Усаид ○ әл-Алa'a әл-Һадрами ○ әл-Бараа ибн Мәлик әл-Ансари ○ ән-Наһдия ○ Әли ибн Әбу Tалиб ○ Әмина бинт Уәһһәб ○ Аммар ибн Ясир ○ Амр ибн әл-Жамуһ ○ Ән-Нуман ибн Муқаррин ○ Әнес ибн Мәлик ○ Ашааб ○ Башир ибн Са'ад ○ Біләл ибн Рибаһ ○ Біләл ибн әл-Һарис ○ Фадл ибн Аббас ○ Фатима (Аллаһ расулының қызы) ○ Фатима бинт Асад ○ Фатима бинт Һизам ○ Фәйруз әд-Дайлами ○ Һабибә бинт Убәйд-Аллаһ ○ Хадиша бинт Һувайлид ○ Һәлима Садиа ○ Һамза ибн Абд әл-Мутталиб ○ Һариса бинт әл-Муаммил ○ Хатиб ибн Әбу Бәйтәһ ○ Һишам ибн әл-Аас ○ Худайфа ибн әл-Яман ○ Һұджр ибн Адил ○ Джа'фар Бин Әбу Талиб ○ Джулайбиб ○ Хаббаб ибн әл-Аратт ○ Халид ибн Саид ○ Хунаис ибн Худайфа ○ Кумайл ибн Зияд ○ Ләйла бинт әл-Минһәл ○ Лүбәбә bint әл-Һарис ○ Лүбәйнаһ ○ Мәлик Бин Динар ○ Мәлик әд-Дар ○ Мәлик ибн Аштер ○ Мәлик ибн Нуәйраһ ○ Мусаб ибн Умайр ○ Миқдад ибн Әсуәд ○ Муаз ибн Жәбәл ○ Муғира ибн Шу'ба ○ Муһаммад ибн Мәсләмә ○ Муһаммад ибн Әбу Бәкір ○ Нәуфәл ибн Хуәйлид ○ Қатадаһ ○ Раб'аһ ибн Умайаһ ○ Раби'аһ ибн әл-Һарис ○ Са'ад ибн ар-Раби' ○ Са'ад ибн Әбу Уаққас ○ Сафия бинт Абд әл-Мутталиб ○ Саид ибн Әмир әл-Джумахи ○ Са'ид ибн Зәйд ○ Сәлим Мәулә Әбу Худайфа ○ Сәлман әл-Фариси ○ Суһайб әр-Руми ○ Усман ибн Аффан ○ Үбәйдә ибн әл-Һарис ○ Үбәй ибн Ка’б ○ Умәмә бинт Зайнаб ○ Умар ибн әл-Хаттаб ○ Умм Күлсім бинт Әли ○ Умм Күлсім бинт Джаруила Хузима ○ Үмму Айман ○ Үмму Умара Умм Шарииқ ○ Умм Убәйс ○ 'Уқбәһ ибн Әмир ○ Уруаһ ибн Мәс'уд ○ Усама ибн Зәйід ○ Утбаһ ибн Ғазуан ○ Уаһб ибн Абд әл-Мәнаф ○ Зәйід ибн Арқам ○ Зәйід ибн Һариса ○ Зәйд ибн Сәбит ○ Зайнаб бинт Әли ○ Хузайма ибн Сәбит ○ Усман ибн Хунаиф ○ Михнаф ибн Суләйм ○ Суләйман ибн Сурад ○ Сүмәйра бинт Қайс ○ Сүмәйя бинт Хуббат