Әсел Мұратқызы Ерғазиева

Әсел Мұратқызы Ерғазиева

1976 жылы 24 қыркүйекте Шымкент қаласында туған. Қазақ.

Әкесі - Ерғазиев Мұрат Әбдіханұлы (1949 жылы туған). Анасы - Ерғазиева Раушан Әділбекқызы (1956 жылы туған).

Қазақ мемлекеттік басқару академиясының «Қаржы және несие» факультетін (1997) экономист мамандығы бойынша; Ұлттық мемлекеттік экономикалық саясат институтының «Мемлекеттік экономикалық саясат» факультетін (Токио қаласы, 2001) экономист мамандығы бойынша, мемлекеттік экономикалық саясат магистрі дәрежесімен бітірген.

«Сертификатталған Қаржы Талдаушысы» бағдарламасы бойынша II дәрежеге үміткер (СFА Candiddate, Level II, 2010). Келесі тақырыптар бойынша «Қазақстанның бағалы қағаздар нарығы» журналында жарияланған 6 мақаланың авторы: «Қазақстанның қаржы нарығына ай сайынғы талдау», «Қазақстандағы инвестициялық қорлардың дамуы», «Зейнетақы реформасы және оның бағалы қағаздар нарығына тигізетін ықпалы», «Панорама» газетіндегі «Ұлттық банк вексельдерді қайта есептеуді іске қосуға дайын» мақаласының (№253, 2000); ағылшын тіліндегі келесідей жарияланымдардың авторы: «Қазақстанның Елдік тәуекелі» (тамыз, 2000 жыл), «Қазақстанның дамуының индустриалдық саясаты және оның БСҰ принциптеріне сәйкестігі» (желтоқсан, 2002 жыл).

Орыс, ағылшын және қазақ тілдерін біледі.

1997 жылдан - Қазақстан Республикасының Ұлттық Банкі монетарлық операциялар департаментінде ішкі нарықтық дилинг операциялары бөлімінің бас дилері, несиелендіру және вексельдік айналым бөлімінің бастығы. 2001 жылдан - «Қазақстан Даму банкі» АҚ қазынашысы. 2004 жылдан - «АВN АМRО Банк Қазақстан» тәуекелдер жөніндегі кеңес берушісі, қазынашысы, глобалдық нарықтар департаментінің директоры.

2007 жылдан бері - Дойче Банк Секьюритиз (Қазақстан) басқармасы төрайымы; АГ Дойче банк глобалдық нарықтар департаментінің директоры.

Марапаттары

«Астананың 10 жылдығы» мерейтой медалімен (2008), «Қазақстан Даму банкі» АҚ құрмет грамотасымен (2003) марапатталған.

Үй жағдайы

Тұрмыс құрған. Ұлы - Түсімханов Тайыр (2009 жылы туған).