Өкпе сегменттері
Өкпе сегменті (өкпелік сегмент, бронх-өкпелік сегмент) — сәйкес өкпе салатамырымен қанданып, тұрақты сегменттік бронхпен желдетілетін және үлес құрамына енетін өкпе аймағы (Kramer и Glass, 1932 г.). Бронх пен артерия сегменттің орталығын алып жатады. Сәйкес сегменттерден қанды әкететін көктамырлар сегмент аралық дәнекер тінді перделерде орналасады. Сегмент пішіні - ұшы өкпе түбіріне қарайтын, ал негізі ағзалық (висцерал) өкпеқаппен жабылған қиық конусты еске салады. Клиникалық тұрғыда өкпенің сегменттерге бөлінуі - өкпе тініндегі ошақты өзгерістердің нақты орналасуын анықтауда маңызды.
Өкпе сегменттерінің жіктемесі[өңдеу | қайнарын өңдеу]
Қазіргі кезде 1949 жылы Лондонда Отоларингологтар Конгрессі мен Сүт безі аурулары мамандарының қоғамы қабылдаған өкпе сегменттерінің жіктемесі кең таралған. Бұл жіктеме 1955 жылы Парижде өткен IV Халықаралық анатомдар конгрессінде толықтырылды[1].
Оң өкпе[өңдеу | қайнарын өңдеу]
Оң өкпенің 10 сегменті ажыратылады.
Жоғарғы үлес[өңдеу | қайнарын өңдеу]
3 сегментке бөлінеді:
- ұштық (лат. segmentum apicale, S1);
- артқы (лат. segmentum posterius, S2);
- алдыңғы (лат. segmentum fnterius, S3).
Ортаңғы үлес[өңдеу | қайнарын өңдеу]
Ортаңғы үлестің 2 сегменті болады:
Төменгі үлес[өңдеу | қайнарын өңдеу]
Оң өкпенің төменгі үлесі 5 сегменттен тұрады:
- жоғарғы (лат. segmentum apicalis (superius), S6);
- орта негіздік, не жүректік (лат. segmentum basale mediale (cardiacum), S7);
- алдыңғы негіздік (лат. segmentum basale anterius, S8);
- бүйір негіздік (лат. segmentum basale laterale, S9);
- артқы негіздік (лат. segmentum posterius, S10).
Сол өкпе[өңдеу | қайнарын өңдеу]
Сол жақ өкпеде әдетте 10 сегмент бар.
Жоғарғы үлес[өңдеу | қайнарын өңдеу]
Сол өкпенің жоғарғы үлесі 5 сегментке бөлінген:
- ұштық (лат. segmentum apicale, S 1);
- артқы (лат. segmentum posterius, S2);
- алдыңғы (лат. segmentum anterius, S3);
- жоғарғы тілшіктік (лат. segmentum lingularis superius, S4);
- төменгі тілшіктік (лат. segmentum lingularis inferius, S5).
Төменгі үлес[өңдеу | қайнарын өңдеу]
Төменгі үлестің 5 сегменті ажыратылады:
- жоғарғы (лат. segmentum apicalis (superius), S6);
- орта негіздік (лат. segmentum basale mediale, S7), тұрақты емес;
- алдыңғы негіздік (лат. segmentum basale anterius, S8);
- бүйір негіздік (лат. segmentum basale laterale, S9);
- артқы негіздік (лат. segmentum posterius, S10).
Дереккөздер[өңдеу | қайнарын өңдеу]
- ↑ Чернеховская Н. Е., Федченко Г. Г., Андреев В. Г., Поваляев А. В. Тыныс алу мүшелерінің рентген-эндоскопиялық диагностикасы — М., 2007. — Б. 8-11. — 240 б. — ISBN 5-98322-308-9.