TED конференциясы

Уикипедия — ашық энциклопедиясынан алынған мәлімет
Мұнда ауысу: шарлау, іздеу

TED (ағылш. Technology Entertainment Design) – бірегей идеяларды таратуды («ideas worth spreading») мақсат тұтқан, жыл сайын конференциялар ұйымдастырумен айналысатын халықаралық коммерциялық емес қор. [1].«Таратуға тұрарлық идеялар» деген айдармен өткізілетін конференцияның басты мақсаты – қалың көпшілікке қызықты идеяларды жеткізіп тарату. Technology Entertainment Design дегеннің ағылшынша аббревиатурасы, оны «Ғылым, Өнер, Мәдениет» деп аударуға болады.

Тарихы[өңдеу]

Бір аудиторияда ғалымдардың, саясаткерлердің, кәсіпкерлердің, суретшілердің, музыканттардың, инженерлердің және өзге де танымал тұлғалардың басын қосатын TED конференциясының тарихы 1984 жылдан бастау алады. TED-те алғаш рет жаңа ғана шығарылған Macintosh компьютерінің, Sony компаниясының әлемдегі тұңғыш компакт-дискісінің таныстырылымы өткен. Сонымен қатар, Бенуа Мандельберг өзі ойлап тапқан фракталдар теориясына байланысты, ал жасанды интеллект маманы Марвин Мински сананың жаңа моделі жайында сөз сөйледі.

Бүгінгі таңда TED заманауи ғылымның, мәдениеттің және бизнестің жұлдыздары өз идеяларын 18 минут ішінде айтуы тиіс ең беделді интеллектуалды алаңдардың біріне айналды. Лекция тақырыптары сан алуан: ғылым, өнер, дизайн, саясат, мәдениет, бизнес, ғаламдық проблемалар, технология және ойын-сауық т.б.

Әр жылдары Билл Гейтс, Эл Гор, Гордон Браун, Билл Клинтон, Нобель сыйлығының иегерлері Джеймс Уотсон, Мюррей Гелл-манн және Википедианың негізін қалаушы Джимми Уэйлс секілді танымал тұлғалар TED-те сөз сөйлеген. Барлық лекциялар конференцияның www.TED.com сайтына орналастырылады. Орналастырылған видеолар жылына 500 миллион рет қаралады.

Сыртқы сілтемелер[өңдеу]


Дереккөздер[өңдеу]

  1. http://www.ted.com TED.com: Ресми сайты