Алматы метрополитені — Алматы қаласында салынып жатқан метрополитен жүйесі. Алғашқы бөлігінің ашылуы 2011 ж. Кейбір басылымдар бойынша 1 желтоқсан 2011 жылдан ерте емес. Заманауи технологияларды енгізу бойынша жоспарды жүзеге асыру үшін Алматы метрополитенін салу барысында «Herrenknecht AG» неміс компаниясының «Herrenknecht S-320» жоғары өндірісті тоннел қазушы кешені сатып алынған. Алматы метрополитені еліміз үшін стратегиялық маңызды нысан болып табылады. Жоба бойынша, метроның алғашқы кезегі Фурманов пен Райымбек даңғылының қиылысы мен Абай және Гагарин көшелерінің қиылысын жалғайды. Бұл жұмыстар ресейлік «Лайтон» ААҚ қоғамының еншісінде. Туннельдерде рельс салу, бейне-теле бақылау жұмыстары да ресейліктердің еншісінде Алматы метрополитені Қазақстандағы алғашқы, Орталық Азияда екінші (Ташкент метрополитенінен кейін) және ТМД-дағы 16-шы немесе 17-ші метрополитен болмақшы. Алғашқы кезеңде вагондарды жөндеу мен техникалық тұрғыдан қызмет көрсету жұмыстары депода жүргізіледі. «2012 жылы Алматы метросындағы жолаушылар ағымы тәулігіне орташа есеппен 30-40 мың адам болады, кейінірек 2015-2020 жылдары бұл көрсеткіш 300 000 адамға дейін жетеді» деген болжам бар. Бұл мәліметтерді «Алматыметроқұрылыс» АҚ директоры Мұрат Үкшебаев мырза да растады. Алматы метрополитені ағымдағы жылдың желтоқсан айында, Тәуелсіздіктің 20 жылдығы қарсаңында пайдалануға беріледі . [1] Алматы метросының жолаушылар тасымалдау мүмкіндігіне сараптама жасаған зерттеу институты тәулігіне 300 мың жолаушы тасымалдай алады деп болжаған еді. «Метрополитен» МКК директорының пайымдауынша, алғашқы кезеңде 2012 жылы бұл сан тәулігіне 30-40 мың адамды құрауы мүмкін. Ондағы жол ақысы бұған дейін 75 теңге көлемінде болады деп жоспарланған-ды. Қазір ол автомобиль жолдары мен көлік басқармасының мәліметіне қарағанда, метро мен автобустағы жолаушылар тасымалдау бағасы бірдей болады. Ақырғы шешім енді метродағы жолаушылар тасымалы қозғалысы іске қосылған кезде шықпақ.[2]
Метрополитеннің үш бағытының ұзындығы 45 км. болады.
Ұзындығы 8,56 км. құрайтын алғашқы бағыт 7 бекеттен тұратын болады (оның ішінде төртеуі терең, қалғандары таяз орналасқан). Бағыт Райымбек даңғылынан оңтүстікке қарай Фурманов көшесінің астымен Абай даңғылына, одан әрі батысқа қарай Гагарин даңғылына және Жароков көшесіне дейін тартылмақшы. Алғашқыда 7 4-вагонды пойыздар жүреді. Жүру кезегі 5 минуттан 2 минутқа шейін. Пойыздардың орташа жылдамдығы 40 км/сағ болады.
[өңдеу] Құрылыс суреттері
-
«Абай» метро бекетінің құрылысы, 2007 ж. қыркүйегінде
[өңдеу] Тағы қараңыз
Халықаралық «Метро» қауымдастығы
[өңдеу] Пайдаланылған әдебиет
- ↑ [1]
- ↑ [2]
