Астанадағы мозаикалық паннолар
Астана көшелерінде бірнеше мозаикалық панноны кездестіре аламыз.
«Космос» және «Баспа»[өңдеу | қайнарын өңдеу]
«Космос» және «Баспа» мозаикалық паннолары 1972 жылы құрылды.
Олар Бейбітшілік көшесі, 25 мекен-жайындағы бұрынғы полиграфиялық комбинат ғимаратының басты қасбетін безендіреді. Авторлары — В.И. Товтин және М.Я. Антонюк.
Олар ашық тұрған кітап бетінен кеңестік басылым атаулары жазылған парақтар ұшып жатқанын және оның жанында тұрған ұл мен қызды бейнелеген. Композициялық орталықтың оң және сол жағында ақындар мен жазушылардың бейнесі кескінделген.[1] Екінші панно ғылым мен техниканың даму кезеңін бейнелейді.
Бұл екі панно Астана қаласының жергілікті маңызы бар тарих және мәдениет ескерткіштерінің тізіміне кіреді.
Ескі вокзал ғимараты[өңдеу | қайнарын өңдеу]
Астанадағы ескі вокзал ғимараты да жергілікті маңызы бар тарих және мәдениет ескерткіші болып саналады.
Ол 1961 жылы Тың өлкесінің орталығы атанғаннан кейін Қазақстанның солтүстік бөлігіндегі алты облыстың арасын жалғап тұрған ірі теміржол торабына айналды.[2]
