Асунсьон

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Disambig gray.svg Басқа мағыналар үшін Асунсьон (айрық) деген бетті қараңыз.

Қала
Асунсьон
Nuestra Señora Santa María de la Asunción
Paraguay
Ту Таңбасы
Ту Таңбасы
Ел Парагвай
Статусы Ел орда
Координатасы Координаттар: 25°16′00″ о. е. 57°40′00″ б. б. / 25.266667° о. е. 57.666667° б. б. (G) (O) (Я)25°16′00″ о. е. 57°40′00″ б. б. / 25.266667° о. е. 57.666667° б. б. (G) (O) (Я)
Құрылған уақыты 1537
Жер аумағы 117 км²
Орталығының биiктігі 43 м
Тұрғыны 507 574 адам (2006)
Тығыздығы 4377 адам/км²
Шоғырлануы 1 900 000
Уақыт белдеуі UTC-4, жазда UTC-3
Телефон коды +55 021
Ресми сайты http://www.mca.gov.py  (исп.)
Асунсьон (Жер)
Locator Dot2.gif

Асунсьон (ис. Asunción) — Парагвайдың астанасы. Парагвайдың батыс бөлігінде, Парагвай өзеніне Пилькомайо өзені құятын жердегі сол жағалаулық аңғарда орналасқан.

Қаланың орталығы

Астана тропиктік ормандар аймағында орналасқан. Парагвай өзені жағалауларының бір бөлігі батпақтанған. Табиғи өсімдіктері, негізінен, пальмалар мен дәнді шөптесін өсімдіктерден құралады. Күн ыстық болатын күндері Асунсьон тұрғындары зиянды жәндіктер: кене, шегіртке, масалардың үлкен ордаларының шабуылынан зардап шегеді. Асунсьон халқының саны 900 мыңнан астам адамды құрайды. Астана тұрғындарының басым бөлігі (90%-дан астамы) гуаранилар (шығу тегі испан-үндіс метистері), сондай-ақ қалада Аргентина мен Бразилиядан шыққандар, немістер, италиялықтар, португалдар, жапондар мен орыстар да тұрады. Мемлекеттік тіл — испан тілі болып табылады белгілі бір дәрежеде гуарани тілі де таралған Асунсьонның дінге сенетін халқының көпшілік бөлігі католиктер, протестанттар мен православие христиандары да бар.

Асунсьонның негізін 1537 жылы 15 тамызда испан жаулап алушылары христиан мерекесі күні — Успения Әулие Құдай жаратушы күні қалады. Сондыктан да қаланың бастапқы атауы — "Гуидад де Нуэстра сеньора де Лa Асунсьон", испан тілінен аударғанда "біздің Құдай жаратушы Успения ханымның қаласы" болды. Бұдан кейін қала қарапайымдау — Асунсьон (аудармасы Успения) деп атала бастады. 1811 жылы Парагвайдың тәуелсіздігі жарияланған соң, Асунсьон Парагвайдың астанасы болып танылды. Парагвай өз бейтараптығын мәлімдеген Екінші дүниежүзілік соғыс аяқталған соң, Асунсьон өздері жасаған әскери қылмыстары үшін жазадан тығылып жүрген гитлерлік Германияның бұрынғы офицерлері үшін паналайтын жер болды. Астанада 1954 жылдан 1989 жылға дейін елде әскери-полицейлік диктатура орнатқан реакцияшыл генерал Д.Стресснердің резиденциясы орналасты. 1989 жылы ақпанда Асунсьонда А.Стресснердің билігін құлату мен астана мен тұтастай алғанда бүкіл елдің әлеуметтік және экономикалық өмірінде оңды қайта құрулардың басталуына жол ашқан әскери төңкеріс болып өтті.

Асунсьон

Қаланың тарихи орталығының архитектуралық бейнесінде отарлық кезеңнің айқын белгілері бар. Асунсьон мен оның оңтүстік-шығыстағы айналасында XVI—XVIII ғасырларда иезуиттер тұрғызған шіркеулер мен монастырьлардың асқақ ғимараттары орналасқан.

Астанада бірнеше жоғары оқу орындары, оның ішінде Асунсьонның Ұлттық университеті мен Католиктік уииверститет бар. Парагвай өзенінің сол жағалауында орналасқан Асунсьон мен оның айналасы шетелдік Туризмнің негізгі аймағы болып табылады. Астанаға келген туристерді бұта өсімдігінің майда уатылған жапырақтарынан қайнатылған, елде өте кең тараған сүйікті дәстүрлі сусын — ыстық немесе суық матэ шайымен міндетті түрде сыйлайды. Мұндай сусын қаланың көптеген қонақтарына нағыз таңсық нәрсе болып табылады, өйткені матэ приматтық жағдайларды өте талғайды және Оңтүстік Американың белгілі бір аудандарында ғана өсіріледі.[1]

Дереккөздер[өңдеу]

  1. Қазіргі дүние географиясы: Хрестоматия. Жалпы білім беретін мектептің қоғамдық-гуманитарлық бағытындағы 11-сыныбына арналған оқу құралы. / Қ. Ахметов, Т. Увалиев, Г. Түсіпбекова. - Алматы: "Мектеп" баспасы, 2007. ISBN 9965-36-216-5

Сыртқы сілтемелер[өңдеу]