Бискай шығанағы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Шығанақтың негізгі порттары көрсетілген картасы
Бискай шығанағы серіктік суреті

Бискай шығанағыАтлант мұхитының шығанағы. Еуропаның батысында, Испания мен Франция мемлекеттері жағалауында орналасқан. Аумағы 200 мың км2. Ең терең жері 5120 метр. Шығанаққа Луара және Гаронна өзендері құяды. Құрлық жағалауы солтүстікке қарай қатты тілімденген, тік жарлы. Мұнда Бель-Иль, Нуармутье, Ре, Олерон және т.б. аралдар орналасқан. Жиронда өзенінен оңтүстікке қарай жағалауы ойпатты, аз тілімденген, аккумуляттық типке жатады. Пиреней түбегінің жағалауы жартасты, қойнауы тар. Шығанақта күшті желдер жиі соғады. Судың температурасы ақпанда солтүстікте 5 — 6 оС, оңтүстікте 12 — 13оС, тамызда солтүстікте 10оС, оңтүстікте 20—22оС, тұздығы 34 — 35,5%. Судың толысуы жарты тәулік сайын қайталанады, оның орташа биіктігі 4,5 — 5 метр, кейде 7,0 метрге жетеді (Бретан түбегінде). Балық аулау (камбала, анчоус, майшабақ, сардина, албырт) кәсіпшілігі дамыған. Басты порттары: Брест, Бордо (Франция), Сан-Себастьян, Бильбао, Хихон (Испания).

Биарриц қаласы жағасы
Кантабрия тасты жағалауы




Пайдаланылған әдебиет[өңдеу]

“Қазақ Энциклопедиясы”, II-том