Дакар

Уикипедия — ашық энциклопедиясынан алынған мәлімет
Навигацияға өту Іздеуге өту
Қала
Дакар
Ville de Dakar
Елтаңбасы
Елтаңбасы
Әкімшілігі
Ел

 Сенегал

Облыс

Дакар

Мэр

Халифа Абабакар Солл

Тарихы мен географиясы
Координаттары

14°43′55″ с. е. 17°27′26″ б. б. / 14.73194° с. е. 17.45722° б. б. / 14.73194; -17.45722 (G) (O) (Я)Координаттар: 14°43′55″ с. е. 17°27′26″ б. б. / 14.73194° с. е. 17.45722° б. б. / 14.73194; -17.45722 (G) (O) (Я)

Алғашқы дерек

1857

Жер аумағы

82,38 км²

Орталығының биiктігі

27 м

Уақыт белдеуі

UTC0

Тұрғындары
Тұрғыны

1 146 053 адам (2013)

Тығыздығы

12 510 адам/км²

Агломерация

2 452 656

Дакар картада
Дакар
Дакар
Дакар

ДакарСенегалдың астанасы, Батыс Африкадағы сауда, көлік және өнеркәсіптің ірі орталығы. Қала Жасыл Мүйіс түбегінде орналасқан және айналасымен бірге 550 км2 жерді алып жатыр. Дакардың климаты субэкваторлық, жауын-шашын маусымы шілдеден қазанға дейінгі кезеңге тура келеді. Осы кезде жауын-шашынның ең көп мөлшері түседі, оның жылдық мөлшері 580 мм-ге тең. Аталған кезеңде температура әрқашан дерлік 28°С деңгейінде болады. Жылдың қалған уакытында ауа температурасы +22°С-қа жетеді.

Дакар тұрғындарының саны 2 млн-ға жуық. Олардың 90%-ы африкалық әр түрлі халықтар тобының өкілдері: волоф, серер, тукулер, фульбелер. Қалған тұрғындары әр түрлі үлттардың өкілдері, еуропалықтардан бәрінен көбі — француздар. Ресми діні ислам діні болып есептеледі. Дінге сенушілер сүнниттерге (92%), пұтқа табынушыларға (6%), христиандарға (2%) бөлінеді. Мемлекеттік тіліфранцуз тілі болып табылады. Жергілікті тұрғындар волоф, иандинго, диола диалектілерінде сөйлейді.

Дакардың негізі 1857 жылы француз бекінісі ретінде қаланды. 1895 жылы француздар қаланы Сенегал деп пталған өз отарының құрамына қосты. 1960 жылға дейін Дакар Сенегалдың орталығы болды. Ал 1904 жылдан 1960 жылға дейін Дакар, сонымен бірге Француз Батыс Африкасының да орталығы болды. 1942 жылы Екінші дүниежүзілік соғыс кезінде қаланы ағылшын-америка әскерлері басып алып, оны Атлант мұхитындағы ең маңызды базалардың біріне айналдырды. 1947 жылы Дакар бөліктергe бөлініп, құрылыс жұмыстары қарқынды жүргізіле бастады.

Дакар
Дакар

Шығыс бөлікте өнеркәсіптік аймақ пен порт орналасты. Оңтүстік бөлігінде көп қабатты ғимараттар (банк университет қалашығы, Ұлттық ассамблея, т.б.) әкімшілік және Үкімет орталықтары тұрғызылды. Батысында еуропалық тұрғын үй ауданы, солтүстік-батысында саз балшықтан жасалған жалғыз қабатты үйлер ауданы — Медина салынды. 1960 жылы Сенегалдың тәуелсіздігі жарияланған соң Дакар елдің астанасына айналды.

Дакарда бүкіл елдегі сияқты білікті мамандардың аса тапшылығы сезілуде. Әлі күнге дейін француздар маңызды басшылық қызметтерді иеленіп отыр, ірі фирмалар мен өндіріс кәсіпорындарын басқарады. Бұл білім берудің төменгі деңгейімен түсіндіріледі.

Ересек халықтың тек үштен бірі ғана сауатты болып табылады. Балалардың 30%-дан астамы қазірдің өзінде де ешқандай білім ала алмайды. Дакарда бірнеше орта, техникалық және жоғары оқу орындары орналасқан, олардың ішінде политехникалық институт, Пастердің ғылыми-зерттеу институты, драмалық өнер бөлімімен өнерлер мектебі бар. Сондай-ақ қалада елдің негізгі жоғары оқу орны —шейх Ант-Диоптың университеті жүмыс істейді. Оның құрамына дүние жүзіне белгілі Қара Африканы іргелі зерттеу институты енгізілген.

Дакар — Сенегал мен Батыс Африканың адам ең көп келетін жерлерінің бірі. Мұнда туристердің арасында үлкен табысқа ие болған Атлант мүхитының жағажайлары орналасқан. Астанада әйгілі көп күндік автожарыс — Париж — Дакардың сөреге жетуін көруге болады, ол қаңтардыц ортасына тура келеді. Жергілікті ерекше көңіл аударуға тұрарлық жерлер Үлкен мешіт, Президент сарайы меп Марше Кермел қолөнер базары болып табылады.[1]

Этимологиясы[өңдеу | қайнарын өңдеу]

Қала 1857 жылы Н'Дакара деп аталатын балықшылар ауылының жанында француз әскери бекеті ретінде құрылған - «тамариск»; бұл атау қалада сақталды, содан кейін ауылдың орнында және онымен біріктірілген постта өсті. Басқа дереккөздерге сәйкес, Дакар - Батыс Африканың құрғақ саванналары мен Сенегал астанасы академик А.Л. редакциялаған 6 томдық Өсімдіктер өмірінде (1974-1982) аталған тамаринд (Tamarindus indica) атауларының бірі. жергілікті атауынан (дакар) аталған. «Дакар атауы Н'Дакара ауылымен байланысты - аудармада: «тамаринд ағашы» - өркендеу мен күш символы».

Дереккөздер[өңдеу | қайнарын өңдеу]

  1. Қазіргі дүние географиясы: Хрестоматия. Жалпы білім беретін мектептің қоғамдық-гуманитарлық бағытындағы 11-сыныбына арналған оқу құралы. / Қ. Ахметов, Т. Увалиев, Г. Түсіпбекова. - Алматы: "Мектеп" баспасы, 2007. ISBN 9965-36-216-5