Игорь Александрович Долгушин

Долгушин Игорь Александрович (30 наурыз 1908 ж., Ресей, Омбы қаласы – 4 тамыз 1966 ж., Алматы қаласы) – биология ғылымының докторы (1955), профессор(1957).

Ленинград (қазіргі Санкт-Петербург) Орман техникалық академиясын бітірген (1931). 1933 жылдан Қазақстан Ғылым Академиясының Зоология институтында ғылыми қызметкер, лаборатория меңгерушісі, осы институт директорының ғылыми жұмысы жөніндегі орынбасары (1947–53) болған. Республикадағы орнитологиялық зерттеулерге басшылық етіп, осы бағытта ғылыми мектепті қалыптастырған. Қазақстан аумағын орнитологиялық тұрғыдан бірнеше аймаққа бөлді, ондатрды жерсіндіру жұмысына қатысты (КСРО Мемлекеттік сыйлық, 1951). Аң шаруашылығымен және құстарды қорғау мәселелерімен де шұғылданды. «Қазақстан құстары» атты 5 томдық жинақ (1960–74) авторларының бірі (Қазақ КСР-і Мемлекеттік сыйлығы, 1978).^[1]