Кербезгүл

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Кербезгүл
Alisma plantago-aquatica
Ғылыми топтастыруы
Дүниесі: Өсімдіктер
(unranked) Monocots
Сабы: Alismatales
Тұқымдасы: Alismataceae
Тегі: Alisma
L.
Species

A. gramineum
A. lanceolatum
A. plantago-aquatica
A. subcordatum
A. triviale
A. wahlenbergii

Кербезгүл(ағылш. Alisma) – өзімен аттас тұқымдасқа жататын көп жылдық шөптесін өсімдіктер туысы.

Солтүстік жарты шардың,Австралияның, Оңтүстік-Шығыс Азияның, Шығыс Африканың және Орталық Американың қоңыржай белдеулерінде кездесетін 11 түрі белгілі. Қазақстанда таяз су айдындарында, батпақты жерлер мен қазылған орларда өсетін 3 түрі: бақажапырақты кербезгүл (ағылш. Alisma plantago-aquatіca), қандауыр тәрізді кербезгүл (ағылш. Alisma lanceolatum), Лезель кербезгүлі (ағылш. Alisma loeselіі) бар. Олардың биіктігі 10 – 80 см. Жапырақтары сабағының түп жағын айнала дегелектеніп орналасады. Ақ гүлдері сыпыртқыгүл гүлшоғырына топталған. Қос жынысты, тостағанша және күлте жапырақшалары – үш-үштен, аталығы – алтау, аналығы – көп. Жатыны – бір тұқымды. Майда жемісшелері жалпақ (тегіс) гүлтабанында сақина тәрізді орналасады. Жәндіктер арқылы тозаңданады. Мамыр – тамыз айларында гүлдеп, жемістенеді. Жемісі – құрғақ бір тұқымнан тұратын көп жаңғақша, су және су құстарымен таралады.

Кербезгүл – ондатр мен үйректердің қорегі, тамыры мен сабағы халық медицинасында қолданылады. Шөбі улы болғандықтан мал жемейді.[1]

Дереккөздер[өңдеу]

  1. Қазақ Энциклопедиясы