Кәрім Бензема

Уикипедия — ашық энциклопедиясынан алынған мәлімет
Навигацияға өту Іздеуге өту
Кәрім Бензема Футбол
Бензема 2021/2022 маусымда "Реал Мадрид" сапында
Жалпы мағлұмат
Толық аты

Кәрім Мұстафа Бензема

Лақап аттары

Бензопила, Зиналдо

Туған күні

19 желтоқсан 1987 (1987-12-19) (36 жас)

Туған жері

Лион, Франция

Азаматтығы

 Франция

Бойы

185 см

Салмағы

81 кг

Позиция

шабуылшы

Клуб жайлы ақпарат
Клуб

Сауд Арабиясы Әл-Иттихад

Номері

9

Жастар клубы
1995—1996 Франция Брон Террайллон
1996—2004 Франция Олимпик Лион
Клуб карьерасы[* 1]
2004—2009 Франция Олимпик Лион 112 (43)
2009—2023 Испания Реал Мадрид 439 (238)
2023— Сауд Арабиясы Әл-Иттихад 0 (0)
Ұлттық құрамы[* 2]
2003—2004 Франция Франция U17 4 (1)
2004—2005 Франция Франция U18 17 (14)
2005—2006 Франция Франция U19 9 (4)
2006—2007 Франция Франция U21 5 (0)
2007—2022  Франция 97 (37)
Марапаттары мен медальдары
Әлем чемпионаты
Күміс Катар 2022
Ұлттар Лигасы
Алтын Италия 2021
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Кәрім Мұстафа Бензема (фр. Karim Mostafa Benzema; 1987 жылы 19 желтоқсанда туған, Лион, Франция) — француз футболшысы, "Әл-Иттихад" клубы мен Франция құрамасының шабуылшысы.

Өмірбаяны[өңдеу | қайнарын өңдеу]

Бензема кедей алжирлік ауылдан келген эмигранттардың баласы, Лионда туған. Оның ата-аналары Хафид және Малика да 9 баласы бар, 5 қыз және 4 ұл. Бензема жанұясы Брон Терралион орталығындағы кішкентай үйде тұрған, ол аудан өзінің жұмыссыздығымен белгілі болған. 8 жасында ол «Брон Терралион» клубына ойнай бастайды, ол жерде Каримнің орташадан әлдеқайда үлкен талантын тез байқайды. «Брон Терралион» клубының бапкері Серж Патриарка былай айтқан : «Карим көпке жетеді. Бірақ мен үшін, оның осындай ауданнан шығып адам болуы маңыздырақ, бұл ауданнан тірі шығудың өзі қиын». Сосын Карим Франциядағы футболшы даярлаудың әдеттегі жолдарынан өтеді, аптасына бес күн шынығып, бірінші округтегі киелі Бруно колледжіне оқуға түседі. Балалық шағында оның кумирлері Роналдо және Зинедин Зидан болды.

Клубтық карьерасы[өңдеу | қайнарын өңдеу]

Лион[өңдеу | қайнарын өңдеу]

9 жасында Олимпик Лион клубының даярлау системасына түсіп, 17 жасында маусымда отыз-шақты гол соғып, Лион резервінің ең үздік ойыншыларының біріне айналады. 2004 жылдың желтоқсанында Карим Лионның бірінші құрамасына ауысады. 2005 жылдың 15 қаңтарында Стад Жерлан стадионында Карим Франция чемпионатының ойынында дебютін жасайды. Мец клубына қарсы бұл ойында, Карим Бриан Бергунью футболшысына шешуші пас береді. Карим Лион клубының киім алмастыратын бөлмесіне кіргенде, ол жерде Эрик Абидаль, Джовани Элбер, Сильвен Вильтор, Майкл Эссьен, Флоран Малуда және Мамаду Диарра отырған. Ескі лиондық дәстүр бойынша, әрбір жаңа ойыншы өзінің жаңа серіктестеріне бірнеше сөз айту керек. Каримның кезегі келгенде, жастары үлкен Элбера, Вильтор немесе Диарраның қалжындарына ренжудің орнына, «Күлмендер. Мен осында сіздерді алмастыру үшін келдім!» деген әнгіме бар. Бензема юниорлардың ішінде Еуропа Чемпионы болғанымен, клуб оны бірінші негізгі құрамаға алмастыруға асықпады, ол сол маусымда тек 6 ойын өткізді.

Бензема Лион сатысындағы жаттығуы кезінде

Мансабының басында Бензема өзін Давид Трезегемен салыстыруды ұнатқан, бірақ сосын оны Франция тарихындағы ең керемет ойыншыларының бірі Зинедин Зиданмен салыстыра бастады, ол да кабильдік тамырларымен белгілі.

2005/2006 жылғы маусымда Бензема француз лигасында өзінің гол есебін ашады. Матчтың соңғы минутында ол Аяччо клубының қақпашысың қапа қылдырды. Бұл маусымда ол 13 ойын өткізіп, 1 гол соғады. Еурокубокта Бензема өзінің дебютін Чемпиондар Лигасының топтық кезеңінде, Русенборг футбол клубына қарсы ойында өткізді.

Реал Мадрид[өңдеу | қайнарын өңдеу]

2009 жылдың 1 шілдесінде 35 миллион € сумма үшін испандық Реал Мадрид футбол клубына өтіп, 6-жылдық келісім шартқа қол қойды. Француз жылына 6,5 миллион табады. 24% салықты есептемегенде 5 миллион еуро табады. «Реал Мадрид» Каримнің агенті Джазириге трансфердің суммасынан 10% төлейді. Бұл еуропалық футболдағы агенттерге рұқсат берілген максимум ставка. Егер Реал Мадрид 2013 жылға дейін Чемпиондар Лигасына қатысып, Бензема «France Football» журналының рейтингі бойынша “Алтын доп” алса және ФИФА рейтингі бойынша жылдың үздік ойыншысы болса, Лион Олимпик клубы тағы 6 миллион қабыл алады.

Бензема маусым аралықта мадридтік Реалдың бразильдық Кака, португалдық Криштиану Роналду және испандық Рауль Альбиольдан кейін төртінші сатып алымы болды. 9 шілдеде ресми түрде «Реал» ойыншысы болып таныстырылды. Сантьяго Бернабеудегі ойыншының таныстырылуы 15-20 мыңдай адам жинады. Карим Бензема Реал сатысындағы он бесінші француз болды. Француз шабуылшысы командада 11-номерге ие болды. Кейін клубтан Рауль кеткен соң 7-ші нөмір Роналдуға қалды да, 9-шы нөмірді Бензема иеленді.

Бенземаның алғашқы голын тойлауы

"Реал" сапында Бензема клубтың деңгейдегі барлық жүлдеге қол жеткізді. 2010/11 жылғы маусымда Гонсало Игуаин жарақат алды да, Бензема негізгі құрамда алаңға шыға бастады. 2010 жылы 8 желтоқсанда УЕФА Чемпиондар Лигасындағы тұңғыш хет-тригін жасады ("Осер" қақпасына). 2011/12 жылғы маусымда тұңғыш рет Испания чемпионы атанды, ал Роналду-Игуаин-Бензема үштігі осы маусымда 118 гол соқты. 2014 жылы Испания чемпионатының 20-турында "Реал" сапындағы 100-ші голын соқты.

Бензема 2014/15 маусымында

2017/18 жылғы маусымда Чемпиондар Лигасының жартылай финалында "Бавариямен" өткен Мадридтегі қарымта матчта дубль авторы атанды да, осы голдардың арқасында "Реал" финалға шығып "Ливерпульмен" ойнады. Финалда да Бензема қақпашының қателігінен гол соғып, есеп ашты. Бұл ойында "Реал" 3:1 есебімен жеңіске жетті.

Әл-Иттихад[өңдеу | қайнарын өңдеу]

2023 жылдың 6 маусымы "Әл-Иттихад" футбол клубы оның ақсыз трансферы туралы мәлімдеді[1].

Заңға қатысты мәселелер[өңдеу | қайнарын өңдеу]

Заңға қатысты мәселелер 2015 жылдың қараша айында Бенземаны Франция полициясы бопсалау ісінде айыпталушы ретінде ұстады. 2015 жылдың 10 желтоқсанында Карим Бензема футболдан Франция құрамасы үшін ойыннан шеттетілгені белгілі болды. Бұл туралы Франция футбол федерациясының президенті Ноэль Ле ГРЭ мәлімдеді. Бұл шешім Франция футбол құрамасының бас бапкері Дидье Дешамға жеткізілді.

Ұлттық құрама[өңдеу | қайнарын өңдеу]

2007-15 жылдары Франция Ұлттық құрамасында ойнап, 2008, 2012 жылдары Еуропа чемпионаты, 2014 жылғы әлем чемпионатына қатысты.

2015 жылы "Матье Вальбуэнаны бопсалады" деп айыпталып, құрамадан шеттетілді.

2021 жылғы Еуропа чемпионатына шақырту алып, турнирге қатысты. Чемпионатта Бензема 4 гол соқты.

Жетістіктері[өңдеу | қайнарын өңдеу]

Командалық[өңдеу | қайнарын өңдеу]

«Олимпик Лион»
«Реал Мадрид»
 Франция

Жеке[өңдеу | қайнарын өңдеу]

  • Францияның жыл футболшысы (3): 2011, 2012, 2014
  • Франция чемпионатының үздік мергені: 2008
  • «Реал Мадридтің» Чемпиондар лигасындағы 300-ші голының авторы
  • Испания чемпионатында 150 гол соққан тұңғыш француз футболшысы.

Дереккөздер[өңдеу | қайнарын өңдеу]

  1. Benzema joins Al Ittihad after Madrid departure  (ағыл.). ESPN (06.06.2023).

Сілтемелер[өңдеу | қайнарын өңдеу]