Лабардан

Лабардан — басын, құйрығын, қанатын кесіп тастап, кеспекке салып тұздалатын ақсерке балық. Голландия балық сатушылары осылай 10-нан 40 кг дейін және ұзындығы 1-ден 1,5 м- дейін исланд нәлімін атаған. Балықтар ірі болғандықтан оларды өндеу және сақтау әдісі де ерекше болды. Біріншіден, оларды аулаған соң бірден тұз ерітіндісіне бірнеше күнге салып қойған, ал содан кейін сәл кептіріп, қатты сығымдап, ірі, тегіс кесектермен бөшкелерге салған. Бұндай нәлімнен дайындалған тағам XIX ғасырда Еуропа елдері аспаздығында "кабельяу", ал Ресейде — лабардан деп аталған. Лабарданды даярлау алдында тұзынан арылту үшін суға салып қояды. XX ғасырда балғын мұздатылған нәлім сүбесі, сонымен катар кептірілген нәлім (стокфиш) өндірісінің дамуымен лабардан өндіру қажетгілігі жойылды, сондықтан нәлімнен даярланатын қазіргі заманғы тағамдар әр елде әр түрлі аталады және дайындау технологиясы да өзгерген.