Ломоносов темір кен орны
Ломоносов темір кен орны - Қостанай облысының Рудный қаласынан солтүстік-батысқа қарай 20 км жерде ашылған (1949).
Геологиялық құрылымы[өңдеу | қайнарын өңдеу]
Кен орнының геологиялық құрылысы сарыбай, соколов, андреев свиталарының шөгінді-жанартаулық жыныстарынан тұрады. Тау жыныстары көптеген өзгерістерге ұшырап, гранатты, пироксенді және гранат-пироксенді скарндарға айналып, түрі өзгеріп отырады.
Жатыс сипаты[өңдеу | қайнарын өңдеу]
Кен орыны екі телімнен — Солтүстік-батыс және Орталық телімнен тұрады. Солтүстік-батыс бөлігінің кендері әктастар мен жанартаутекті-шөгінді қабаттар жапсарындағы пироксен-гранатты скарндар арасында орналасқан. Олардың ұзындығы 1200 м-ге және құлау бағыты 1600 м-ге созылған, қалыңдығы 303 м. Кен денелері бірнеше қабаттар түзеді. Орталық бөлігінің кендері андезитті порфириттер мен интрузивті жыныстар арасында орналасқан. Оның ұзындығы 600-900 м.
Минералдары[өңдеу | қайнарын өңдеу]
Негізгі кенді минералы — магнетит, қосымшалары — пирит, гематит, сфалерит, халькопирит, галенит, ал сидерит, ильменит сирек кездеседі. Темір кенінің қоры 117 млн. т, орташа мөлшері 35,8% Ломоносов темір кен орны қорының мөлшері жөнінен орташа кендер қатарына жатады. [1]