Махмұд ІІ

Махмұд ІІ (20.7.1784, Стамбұл — 1.7.1839) — түрік сұлтаны (1808 — 39). Бір орт-қа бағынған Осман империясын қайта күшейту мақсатымен бірқатар реформаларды жүзеге асырды. 1826 ж. тұрақты әскер құру туралы жарлық шығарып, іянычар полктерін таратты. 1836 — 38 ж. еур. типтегі Ішкі, Сыртқы істер және Қаржы мин-терін бекітті. Бірақ Египет билеушісі Мұхаммед Әлиге қарсы ұйымдастырылған 1831 — 33 және 1839 жылдардағы соғыста жеңіліске ұшырады, 1838 ж. Англиямен, Франциямен арадағы сауда конвенциясына қол қою салдарынан Түркияның Еуропа мемлекеттеріне тәуелділігі арта түсті.