Миклухо-Маклай Николай Николаевич

Николай Николаевич Миклухо-Маклай
Дүниеге келгені:	1846 ж. шілденің 5 (1846—07—05) Борович ауданы, Новгород облысы
Қайтыс болғаны:	1888 ж. сәуірдің 2 Санкт-Петербург
Ұлты:	қазақ

Миклухо-Маклай Николай Николаевич (5(17). 7.1846, Ресейдің қазіргі Новгород облысы Борович ауданы Рождественское селосы – 2(14). 1888, Петербург) – орыс саяхатшысы, антрополог және этнограф.

---

1863 жылы Петербург университіне оқуға түскен. 6 айдан кейін студенттер қозғалысына қатысқаны үшін одан шығарылып, Гейдельберг (1864), Лейпциг (1865) және Йен (1866 – 68) университеттерінде жаратылыстану мен медицинадан дәріс алды. 1866 – 67 ж. Канар аралдарына және Мароккоға саяхат жасады. 1867 жылы Қызыл тау жағалауында, теңіз фаунасын зерттеді.

---

Миклухо-Маклай зоологиялық бақылаулармен қатар жер бедері, ауа райы, жергілікті халықтың әдет-ғұрпы, мәдениеті және діні жайында мәліметтер жинады. Мұнан кейінгі өмірін Оңтүстік-шығыс Азия, Австралия және Тынық мұхит аралдарында антропологиялық және этнографиялық зерттеулерге арнады. 1871 – 72, 1876 – 77, 1883 ж. Жаңа Гвинея аралының солтүстік-шығыс жағасында 2,5 жыл папуастардың арасында тұрды. 1873 – 80 жылдары аралдың оңтүстік-батыс және оңтүстік-шығыс жағаларына, Малакканың ішкі аудандарына, Филиппинге, Индонезияға, Микронезияға саяхат жасады. 1878 – 82 және 1884 – 86 жылдары Австралияда тұрып, Сидней маңында биологиялыө станцаның негізін қалады. Ресейге оралғаннан кейін Петербург, Мәскеу және Берлин ғалымдарының алдында есеп берді. Миклухо-Маклай антропология мен этнография ғылымында үлкен із қалдырды. Ғылымда тұңғыш меланезия антропология типін сипаттап жазды, адамзат нәсілдерінің түр жағынан біртұтастығын және бір-бірімен туыстас екендігін, “төменгі” және “жоғарғы” нәсілге бөлудің ғыл. негізсіз екендігін дәлелдеді. Миклухо-Маклай есімі Ресей ұА Этнография институтына берілген, Жаңа Гвинеяның солтүстік-шығысындағы жағалау “Миклухо-Маклай жағалауы” деп аталады.