Стив Джобс
| Стив Джобс | |
|---|---|
 Macworldта сөйлеп жатқан Джобс, 2007 жыл, iPhoneды таныстыруда. |
|
| Дүниеге келгені: | Steven Paul Jobs 1955 ж. ақпанның 24 [1] Сан Франсиско, Калифорния, А.Қ.Ш.[1] |
| Қайтыс болғаны: | 2011 ж. қазанның 5 (56 жаста) Калифорния, АҚШ |
| Алма матер | Reed College (1972 жылы 1 семестр) |
| Мансабы: | Негізін қалаушы және Бас директор, Apple |
| Years active | 1974–2011 |
| Net worth |  $8.3 миллиард (2011)[2] |
| Board member of | The Walt Disney Company,[3] Apple, Inc. |
| Дiнi: | Буддизм[4] |
| Жұбайы: | Лаурен Пауел Джобс (1991–2011) |
| Балалары | 4 |
| Relatives | Mona Simpson (апасы) |
| Қолы: |  |
| Веб-сайты | |
| Official website | |
Стивен Пол Джобс (ағылш. Steven Paul Jobs, (Ақпанның 24, 1955 – Қазанның 5, 2011) – американдық өнертапқыш және бизнес-магнат. Apple корпорациясының негізін қалаушы және директорлар кеңесінің төрағасы болды. Сонымен қатар Стив Джобс Pixar Animation Studios компаниясының СЕО қызметін де атқарды. 2006 жылы The Walt Disney Company Pixar компаниясын сатып алған болатын, ал Стив Джобс Disney компаниясының директорлар кеңесіне мүше болды. 1995 жылы шыққан «Ойыншықтар оқиғасы» атты мульфильмнің атқараушы продюсері ретінде көрсетілген еді.
Мазмұны |
[өңдеу] Өмірбаяны
1955 жылы 24 ақпан күні Калифорния штатындағы Маунтин-Вью қаласында туған. Стив Джобстың анасы Джоан Кэрол Шибле баласын өкіл ата-ана болған Пол және Клара Джобс отбасына тәрбиеленуге тапсырған болатын. Мектеп кезінде Стив электроникаға қызығушылық танытты, мектеп партасында өзінің болашақ әріптесі әрі серіктесі болатын Стив Вознякпен танысқан.
.jpg)
- 1972 жылы мектеп бітіргеннен кейін Стив Джобс Портлендте (Орегон штаты) орналасқан Рид колледжіне оқуға түседі, бірақ алғашқы семестрден өз еркімен оқудан шығып кетеді. Біраз уақыт өткен соң ол калиграфия мектебіне оқуға барып жүреді. Сол оқудың нәтижесінде кейін ол Мас ОS жүйесіне маштабталатын ғаріптерді орналастырады. 70-жылдардың соңында Стив Джобс компьютерлік ойындарды жобалайтын Atari компаниясына жұмысқа тұрады.
- 1976 жылы Стив Джобс өзінің мектептен бергі досы С.Вознякпен бірге Apple компаниясын құрады. Компания өзі құрастырған компьютерлерді сатумен айналысты. Apple компаниясының жаңа туындыларын негізінен С.Возняк дайындайтын, ал С.Джобс негізінен маркетолог қызметін атқаратын.
Стив Джобс пен Стив Возняк дайындаған алғашқы компьютер Apple 1 болды. Оның бағасы 666 доллар 66 уент болды. Apple I және кейін шыққан Apple II құрастырушы жігіттерге біраз абырой мен атақ әкелді. Компания ІРО арқылы алғашқы рет биржаға шыққаннан соң Стив Джобс мультимиллионер атанды.
- 1985 жылы директорлар кеңесімен арада болған қақтығыстан кейін Стив Джобс Apple компаниясындағы қызметінен босатылды. Сол кезде ол NeXT деп аталатын компанияның негізін қалады. Аталған компания негізінен білім беру саласы мен бизнес нарығында қызмет көрсететін. Дегенмен, 1997 жылы ол Apple компаниясына уақытша атқарушы директор ретінде қайтып келді және бұрынғы екі компаниясын қосты.
- 1986 жылы Стив Джобс The Graphics Group компаниясының иесі атанды, кейін оның аты Pixar деп өзгертелді. Осы киностудия үшін Apple Lucasfilm компаниясына 5 млн доллар төледі, ал оның нарықтағы құны 10 млн-ға бағаланған болатын. Мұндай жағдай Джордж Лукастың қаржылай қиындықтарына байланысты мүмкін болды.
2006 жылы Walt Disney Стив Джобстан Pixar акцияларын 7,4 млрд долларға сатып алды. Стив Джобс Disney компаниясының директорлар кеңесіне өтті. Сонымен қатар Disney компаниясының акционерлерінің ішіндегі ең ірі жеке тұлға болды. Оның меншігіне компанияның 7 пайызы өткен еді.
Apple компаниясы Гинесс Рекордтар кітабына кірді. Стив Джобс жалақысы ең кішкентай атқарушы директор ретінде осы кітапқа тіркелген. Оның жылдық жалақысы 1 долларды құрайтын. Атқарған жұмысына премия (үстемақы) ретінде Стив Джобс компания тарапынан бағасы 43,5 млн доллар болатын Gulfstream реактивті ұшығын сыйға алды. Ұшыққа қатысты шығындардың барлығын компания өз жауапкершілігіне алды.
2003 жылы ішкі органдарды тексеру кезінде дәрігерлер Стив Джобстың өт жолдарынада онкологиялық ісіктің барын арықтады. Негізінен мұндай дертпен ауырған адамның өмір сүруі екіталай, дегенмен Стив Джобстың ісігі сирек кездесетін дерт түрі болғандықтан ота жасауға мүмкіндік берді.
- 2004 жылдың тамызында Стив Джобстың бауырын ауыстыру жөнінде операция өтті. Операция (ота) – Швейцарияда өтті. Стив Джобс жоқ кезде компанияны халақаралық сатылым бөлімінің басшысы Тим Кук басқарды[5].
- 2004 жылдың қазан айында Стив Джобс операциядан кейін алғашқы рет халық алдына шығады. Калифорния штатындағы компанияның жаңа дүкенінің ашылу салтанатына қатысты.
- 2008 жылдың қыркүйегінде баспасөз беттерінде Стив Джобстың қатты салмақ жоғалтқаны туралы ақпарат талқылана бастады. Оның себебі дерттің қайта асқынуы деген болжамдар күйшейе түсті.
- 2009 жылдың қаңтар айында Стив Джобс компанияға қайта оралғысы келетіндігін хабарлады. Тым қатты салмақ жоғалтқаны гармондық дисбаланс әсерінен дер түсіндірді. Алайда екі апта өткен соң жарты жылдық демалысқа шығатындығын айтты. Сол жылдың маусым айында Стив Джобс бауыр ауыстуры операциясынан кейін жұмысқа шықты. Дәрігерлердің айтуы бойынша денсаулығы өте жақсы делінген.
- 2011 жылдың 17 қаңтарында Стив Джобс компания қызметкерлеріне таратқан хатында денсаулық жағдайына байланысты Apple компаниясының атқарушы директоры қызметінен кететіндігін хабарлады.
- 2011 жылдың 5 қазан күні Стив Джобс 56 жасында ауыр дерттен дүниеден озды [6]
Қазан айының 11 күні Калифорния штатының Санта-Клара округы денсаулық департаменті Стив Джобс өлімінің себебін анықтады. Жазбада Стив Джобс өт жолындағы онкологиялық ісіктің кесірінен демала алмағандықтан өлгендігі хабарланады.[7]
Стив Джобс АҚШ тарихында табысты компаниялардың бірін құрып қана қоймай, ұзақ жылдар оның басшысы болғандар арасында ерекше тұлға. «Apple» интернет технологиялар жағынан әлемдегі ең ірі компанияға айналып, Microsoftты артта қалдырған. "Apple" негізінен өзінің жаңа ноутбуктары және «iPhoneн» смартфондары мен «iPad» планшеттері арқылы қалың көпшілікке танымал.
[өңдеу] Қанатты сөздері
«Өзім көтеріп әкете алмайтын компьютерге сенбеймін»
[өңдеу] Тағы қараңыз
[өңдеу] Дереккөздер
- ↑ Дәйексөз алу Invalid
<ref>tag; no text was provided for refs namedSmithsonian_1995қатесі - ↑ Forbesтың 400 ең дәулетті американдықтар, Forbes (March, 2011). Тексерілді Наурыз 10, 2011.
- ↑ The Walt Disney Company and Affiliated Companies – Board of Directors. The Walt Disney Company. Тексерілді, 2 қазан 2009.
- ↑ Елкинд, Питер. Стив Джобстың мүшкілдері, Fortune (Наурыздың 15, 2008). Тексерілді 21 шілденің 2008.
- ↑ http://top.rbc.ru/society/06/10/2011/612173.shtml
- ↑ Steve Jobs, Apple founder, dies, CNN (Қазан 5, 2011).
- ↑ Рак остановил дыхание, Взгляд (Қазан 11, 2011).
