Калифорния

 Басқа мағыналар үшін, Калифорния (айрық) деген бетті қараңыз.

АҚШ штаты
Калифорния ағылш. California
Калифорния туы Калифорния мөрі
Штат ұраны	«Эврика!»
Штат әні	I Love You, California
Штат лақапаты	«Алтын штат»
Астанасы	Сакраменто
Ең ірі қаласы	Лос Анджелес
Ірі қалалары	Сан Диего Сан Хосе Сан Франциско Фресно
Тұрғыны	37 253 956 (2010 жыл) 1-ші орын (АҚШ б-ша)
- тығыздығы	90,49 адам/км²
Ауданы	3-ші орын
- барлығы	423 970 км²
- су беті	20 037 км² (4,72 %)
- ендік	32°30' с. е. бойынша 42° с. е., 400 км
- бойлық	114°8' б. б. бойынша 124°24' б. б., 1 240 км
Теңіз деңгейінен биіктігі
- максимал биіктігі	4 421 м
- орташа биіктігі	880 м
- минимал биіктігі	-86 м
Губернаторы	Джерри Браун
Вице-губернаторы	Гевин Ньюсом
Заң шығару органы	Калифорния легислатурасы
- жоғарғы палатасы	Калифорния сенаты
- төменгі палатасы	Калифорния заң шығару жиналысы
Сенат мүшелері	Дайэнн Файнстайн Барбара Боксер
Уақыт белдеуі	Тынық мұхит уақыты: GMT-8/-7
Автомобиль коды	CA
Ресми сайты:	ca.gov

Калифорния штаты (ағылш. California) — АҚШ-та халкының саны жағынан бірінші, аумағы жағынан үшінші орын алады. Мұнда 34 млн адам тұрады, бұдан 21 жыл бұрын бұл цифр 11 млн-ға кем болатын. Штаттың тарихы Америка өзенінен алтын табылғаннан кейін осы ауданды түгел қамтыған "алтын безгегінен" басталады.

Қазіргі уақыттағы Калифорнияның орталығы Голливуд болып табылатын әйгілі киноиндустриясы және ойын сауықтарымен ғана емес, кәсіпкерлік үшін мүмкіндіктерден де даңқы шыққан. Калифорнияда дүние жүзіндегі жоғары технологиялар мен компьютерлер жасаудың ең ірі және ең табысты орталықтарының бірі — әйгілі Силикон жазығы орналасқан. Мұнда компьютерлер мен оларды бағдарламалық жағынан қамтамасыз ету құралдарын шығаратын жетекші кәсіпорындардың штаб-пәтерлері, зерттеу орталықтары орналасқан.

Силикон жазығында мыңдаған адам жұмыс істеп, жүздеген миллион доллар ақша табуда. Калифорнияда дәстүрлі саналатын авиағарыштық және кеме жасау қалаларының кәсіпорындары да жұмыс істейді. Алайда штаттың ең ірі қалалары — Сан Франциско мен Лос Анжелесте ауыр өнеркәсіп емес, керісінше электроника мен ойын сауық, туризм мен банк ісін қамтитын қызмет көрсету индустриясы жетекші салалар болып табылады. Сан-Франциско мен оның айналасындағы аумақта 7 млн-нан аса, ал АҚШ- тың батысындагы ең ірі метрополигендік аумақ болып табылатын Лос-Анджелесте 16 млн-нан аса адам тұрады. Жағажайдағы үлкен жазықта өсіп, дамыған бұл мегаполис қоршаған ортаны елеулі түрде ластайтын автожолдардың қуатты тармағымен біртұтас байланысқан. Лос Анжелестің оңтүстігіне қарай Лос-Анджелес — Лонг-Бинч порты орналасқан. Ол АҚШ-тың Тынық мұхиты жағалауындағы ең ірі сауда порты. Қазіргі уақытта тұтастай алғанда гүлденіп келе жатқан Калифорния штаты үшін халықтың өте тығыз қоныстануы мен урбандалуы аса маңызды проблемалар болып табылады.

Халқы - 36,553,215 (2007 est.)

Астанасы - Сакраменто

Қалалары

• Лос Анжелес - ең үлкен Калифорнияның қаласы. Американ фильмдері түгелдей дерлік Лос Анджелес қаласының жанындағы Голливудта шығады.
• Сан Франциско - Американың батысындағы ірі порт әрі өнеркәсіп орталығы.
• Сан Диего - Калифорнияның екінші ірі қаласы.
• Сан Хосе - Калифорнияның үшінші қаласы.

Ресми тілдері

• Ағылшын тілі (57.59%)
• Испан тілі (28.21%)^[1]

Пайдаланған әдебиеттер

1. Қазіргі дүние географиясы: Хрестоматия. Жалпы білім беретін мектептің қоғамдық-гуманитарлық бағытындағы 11-сыныбына арналған оқу құралы. / Қ. Ахметов, Т. Увалиев, Г. Түсіпбекова. —Алматы: "Мектеп" баспасы, 2007. ISBN 9965-36-216-5

Сыртқы сілтемелер

• ca.gov Калифорния ресми сайты