Сәкен Кәрімұлы Тұрысбеков

Секен Кәрімұлы Тұрысбеков
Туған күні	22 наурыз 1961 (1961-03-22) (63 жас)
Туған жері	Шығыс Қазақстан облысы Үржар ауданы
Мемлекет	Қазақстан
Мамандығы	күйші, композитор, домбырашы, профессор
Аспаптары	домбыра
Жанрлары	күй
Ұжымдары	"Ақ жауын", "Сазген сазы" ансамбльдері
Марапаттары	Құрмет ордені

Секен Кәрімұлы Тұрысбеков (1961 жылы 22 наурызда Шығыс Қазақстан облысы Үржар ауданында туған) — қазақ композиторы, күйші, домбырашы. Қазақстанның еңбек сіңірген әртісі (1992). Қазақстан Ленин комсомолы сыйлығының лауреаты (1989). Парасат және Құрмет ордендерінің иегері. Көңіл толқыны күйінің авторы.

Толығырақ

• Секен Кәрімұлы Тұрысбеков 1961 жылы 22 наурызда Шығыс Қазақстан облысы Үржар ауданында дүниеге келген. Шыққан тегі - Найман тайпасының Қаракерей руынан.
• Сәкеннің азан шақырып қойған аты - Серікболсын.
• Семей музыка училищесінде оқып, содан кейін, Алматы консерваториясын (қазірғі Қазақ ұлттық консерваториясы, М.Әубәкіров жетекшілігімен) бітірді. Консерваторияны бітіргеннен кейін "Сазген" ансамблі кұрамында еңбек етті. 2001 ж. Еуразия университеті жанындағы "Қоңыр қаз" ансамблінің көркемдік жетекшісі болып тағайындалды.

Шығармалары

• Сәкен Тұрысбеков - "Көңіл толқыны", "Боздақ", "Өкініш", "Ақжарма", "Ақ жауын", "Балауса", "Дарабоз", "Ұлы дала" және т.б. күйлерінің және "Аққу сазы", "Ерке құсым", "Көктемім менің", "Қоңыр қаз", "Шағала" әндерінің авторы.

Марапаттары

• 1989 — Қазақстан Ленин комсомолы сыйлығының лауреаты
• 1992 — Қазақстанның еңбек сіңірген әртісі
• 2011 — Құрмет ордені
• 2017 — Парасат ордені