Уваров Виталий Николаевич

Уваров Виталий Николаевич (18.10.1937 ж.т., Ресей, Орынбор обл. Шарлык ауд. Шарлык с.) – заң ғылымы докторы (1988). КСРО спорт шебері (1962), Қазақ КСР-і Оқу ісінің үздігі. Қазақ физкультура институты (1959, қазіргі Қазақ Мемлекеттік Спорт Және Туризм Академиясы) мен ҚазМУ-ды (1967, қазіргі ҚазҰУ) бітірген. Алматы қаласындағы Балалар спорт мектебінде жаттықтырушы, ҚазМУ-да оқытушы, Алматы халық шаруалар институтында оқытушы, аға оқытушы, доцент (қазіргі Қазақ экономика университеті; 1959–74), Қазақ физкультура институтында кафедра меңгерушісі (1967–94), Қазақ мемлекеттік заң университеті нің ғылыми жұмыстар жөніндегі проректоры (1994–98); 1998 жылдан осы университеттің жанындағы Мемлекеттік қызметкерлер институтының (2002 жылдан Солтүстік Қазақстан заң академиясы) директоры қызметін атқарады. 1985 ж. «Государственно-правовые проблемы развития физической культуры и спорта в СССР» деген тақырыпта докторлық диссертация қорғады. Оның ғылыми жұмыстарының негізгі бағыты – дене шынықтыру мен спортты дамыту мәселелері. 160-тан астам ғылыми жарияланымның, оның ішінде бірқатар кітаптың (мысалы: «Советское право», 1986; «Государственная служба», 1996; «Трудовое законодательство Республики Казахстан», 1998, т.б.) авторы. ^[1]