Фернандо Торрес

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Фернандо ТорресФутбол
Ф. Торрес.jpg
Жалпы мағлұмат
Толық аты Фернандо Хосе Торрес Санс[1]
Лақап аты Эль Ниньо (Балақай)
(ис. El Niño)[2]
Fernandon’t Scorres[3]
Туылған күні 20 наурыз 1984(1984-03-20) (30 жас)
Фуэнлабрада, Мадрид, Испания
Азаматтығы  Испания
Бойы 183 см[4]
Салмағы 70 кг[4]
Позиция шабуылшы
Клуб жайлы ақпарат
Клуб Челси
Номері 9
Карьера
Жастар клубы
1995—2001 Испания Атлетико Мадрид
Клуб карьерасы*
2001—2007 Испания Атлетико Мадрид 214 (82)
2007—2011 Англия Ливерпуль 102 (65)
2011—қ.у. Англия Челси 37 (3)
Ұлттық құрамы**
2000 Испания Испания (15 дейін) 1 (0)
2001 Испания Испания (16 дейін) 9 (11)
2001 Испания Испания (17 дейін) 4 (1)
2001 Испания Испания (18 дейін) 1 (1)
2002 Испания Испания (19 дейін) 5 (6)
2002—2003 Испания Испания (21 дейін) 10 (3)
2003—қ.у. Испания Испания 91 (27)
Халықаралық медальдары
Әлем чемпионаты
Алтын ОАР 2010
Конфедерация кубогі
Қола ОАР 2009
Еуропа чемпионаты
Алтын Австрия/Швейцария 2008

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады, өңделді 21 наурыз 2012.

** Ресми матчтарда ұлттық құрамда болған ойындары мен голдар саны, өңделді 3 желтоқсан 2011.

Фернандо Торрес

Алғашқы қадам[өңдеу]

1984 жылы 20 наурызда дүниеге келген Фернандо бес жылдан соң футболға алғашқы қадамын жасайды. Бұл жайтты «Атлетиконың» жанкүйері болған атасы да нақтылайды. Дәл сол кісі Фернандоға футбол ауруын жұқтырған. Кішкентайынан стадионға апарып футбол көрсетіп, нағыз ойынның не екенін сездірткен. Осыдан барып ол жастар командасында доп тебе бастайды.

10 жасында «Райо 13» командасына алынып, бір маусымда 55 доп соғады. Осыдан барып оны «Атлетико» футбол мектебіне шақырады. Онда ол өзін керемет көрсете біледі де, жастар командасына ауысады. Үш жылдан кейін Торрес өзінің ең алғашқы жеңісін тойлайды. 15 жасар футболшылардың арасында өткен Еуропаның мықты командалары қатысқан ірі турнирде ол командасына жеңіп шығуға үлкен көмек көрсетеді. Сөйтіп сол турнирдің үздік ойыншысы деген атаққа ие болады.

Оның командасы – «Атлетико»[өңдеу]

1999-жылы ол «Атлетиконың» негізгі командасымен алғашқы келісімшартқа отырады. 16 жасарлардың арасындағы Еуропа чемпионатын ұлттық құрама сапында жеңеді. Онда да ол қарап жүрмей 7 ойында 6 доп соғады. 2000/01-жылғы маусымда тұсаукесер кездесуін «Альбасете» командасына қарсы өткізеді. Бір апта өткен соң бірінші голын ұрады.

2003/04 жылы Торрес 35 ойында 19 доп кіргізіп, команданың ең жас капитаны болады. Ол шақта «Эль Ниньоны» Испанияның ұлттық құрамасына шақырады. Португалиямен жолдастық кездесуде ұлттық команданың жейдесімен тұңғыш рет алаңға шығады.

«Ливерпуль»[өңдеу]

2007 жылдың 4 маусымында ол ағылшынның «Ливерпульіне» ауысады. Торрес 9 нөмірлі жейдеге иелік етіп, өзінің бұл командаға жай келмегендігін бірден аңғартады. Себебі клуб тарихында бұл нөмірмен ойнаған футболшылардың барлығы «мерсисайдтықтардың» жадында мәңгі қалған. Иан Раш, Робби Фаулер секілді аты аңызға айналған жігіттердің орнын жоқтатпауға келген Фернандо келісімен бірден көзге түсті. «Мидлсборомен» өткен кездесуде ол үш гол ұрып алғашқы хет-трик жасайды.

Торрес өзінің бұл ғажайып командаға келгеніне бақытты. Өзінің командаластары туралы да жылы пікірде. «Менің осыншама жақсы өнер көрсетіп жүргенімнің арқасы әрине командалас достарым мен бас бапкер Рафа Бенитестің арқасы. Шабуылшы көбінесе ойынды өзіне ала алатын, өзінше ойын көрсетіп, алаңдағы жағдайды реттеп жүретін футболшыларға байланысты болады. Мен де сондаймын. Ал менің капитаным Стивен Джеррард дәл сондай адам. Ол доппен үлкен жылдамдықпен келе жатқанда менің қай жерде тұратынымды сезеді». Әрине мындай деңгейдің футболшылары бір командада ойнағанда бірін-бірінің жағдайларын жақсы түсінісуі заңды. Торрес ағылшын футболына тез арада бейімделіп, өзінің физикалық қасиеттерін оңына пайдалануды үйренді. Бұл сөзімізді өзіде растайды. «Испанияның ла-лигасында ойнайтын Торрес қазір жоқ. Менің ойын мәнерім ағылшын футболына лайықтанған. Мұнда қарсыластың қақпасына жақындау үшін 25 пас жасаудың қажеті жоқ. Англияда жылдамдық пен дәл, тез 3-4 пастың арқасында қақпаға соққы жасауға жағдай туады».

Ұлттық құрама[өңдеу]

2004-жылғы Еуропа біріншілігі мен соңғы Әлем чемпионатына Торрес Испанияның ұлттық құрамасымен қатысты. Соңғысында екі доп соқты. Оның бірі финалда Германия қақпасына. Әлемнің үздік қорғаушыларының бірі Филип Лам дәл сол сәтте Фернандодай жылдам шабуылшыға күші жетпесін бірден ұқты. Бір қателік, бір гол. Бұл 2008 Еуропа біріншілігінің финалында соққан голы болатын! Бұл біріншіліктен соң Эль-Ниньо лақап атымен әйгілі Фернандо Торрес Испания ұлттық құрамасының сапында 2010 жылғы әлем біріншілігіне қатысып, 1-орын медалін қанжығасына байлайды.

Жеке өмірі[өңдеу]

Фернандо Олалье Доминигес атты испан қызына үйленген. 29 мамыр күні Мадридтің Эскориал ауданында үйлену рәсімін өткізді. Ал осы жылдың 8 маусымында олардың қызы – Нора дүниеге келді. Торрестің біршама қымбат дүниелері Мадридте. Үйі, екі иті және «Сони ПС» ойын құрылғысы. Оның барлығы құжаттар дұрыс болысмымен Англияға келуі тиіс. Фернандоның денесінде 5 тату бар. Оң қолында 9 саны мен оның қызының аты – Нора. Сол қолында қайтыс болған көкесінің құрметіне – Фернандо және әйелінің аты – Олалья. Оң аяғында VII-VII-MMI (7.7.2001) деген жазу бар. Бірақ оның мағынасын шабуылшы ешқашан, ешкімге айтпаған көрінеді. Қолында үш сақина бар. Ол үшеуін де ешқашан қолынан шешпейді. Сонымен қатар, Фернандо үй шаруасына да жақсы қарайды екен. Тамақ пісіргенді ұнатады. Өзі «Пепси» немесе «Кола» сусыны болмаса ас іше алмайтыны тағы бар.

Дереккөздер[өңдеу]

  1. Статистика  (ағыл.) (PDF). premierleague.com (21.10.2011). Басты дереккөзінен мұрағатталған 20 ақпан 2012. Тексерілді, 21 қазан 2011.
  2. White, Jim. Fernando Torres: exclusive interview with Liverpool and Spain's 'El Nino'  (ағыл.), The Daily Telegraph (21.11.2009). Тексерілді 21 қазанның 2011.
  3. Cheer Up, Chelsea—Always Look on the Bright Side of Life  (ағыл.), rantsports.com (05.02.2012). Тексерілді 24 ақпанның 2012.
  4. a b First Team Profiles (Fernando Torres)  (ағыл.). chelseafc.com (21.10.2011). Тексерілді, 21 қазан 2011.