Фритьоф Нансен

Нансен Фритьоф ^[1][10.10. 1861, Кристиания (қазіргі Осло) маңындағы Стуре-Фрәен иелігі – 13.5.1930, Люсакер иелігі, Осло маңы] – норвег Арктика зерттеушісі, саяхатшы, мұхит зерттеуші, қоғам қайраткері. 1880 – 82 ж. Кристиания ун-тінде оқыды. Осло университетінің профессоры (1897), Ресей Ғылым Академиясының құрметті мүшесі (1898). 1888 – 89 жылдары бірінші болып шаңғымен Гренландияның оңтүстігінн кесіп өтіп, аралды орасан зор мұз қалқаны басып жатқанын анықтады. 1893 – 96 жылдары Нансен Фритьоф “Фрам” кемесімен Солтүстік Мұзды мұхитқа жасалған экспедицияны басқарды. 7850с. е-тен бастап мұзбен бірге ығып, 1894 жылдың соңында 8324 с. е-ке жеткен. Осы кездегі океанографиялық, метеорологиялық зерттеулері нәтижесінде Солтүстік Мұзды мұхит таяз деген пікірді теріске шығарды. Мұхит суының құрамы, мұз қозғалысына жердің тәуліктік айналысының әсері, т.б. ғыл. деректер жиналды. 1920 – 21 жылдары Ұлттар Лигасының әскери тұтқындар мәселелері жөніндегі жоғарғы комиссары, Еділ бойындағы ашыққандарға көмек ұйымдастырушылардың бірі болды (1921). Нансен Фритьофге гуманитарлық қызметі үшін Нобель сыйлығы берілді (1922). Арктика мен Антарктиканың бірнеше географиялық нысандары Нансен Фритьоф есімімен аталады.