Хабер Нұрмұқамедов

Нұрмұқамедов Хабер (1918 ж.т., Орынбор облысы, Домбаровск ауданы, Ащыбұлақ ауылы) — белгілі журналист, еңбек және соғыс ардагері. 1940 ж. қазақ журналистер институтын бітіргеннен кейін Павлодар облысы газеті редакторының орынбасары болды. Ұлы Отан соғысына қатысқан. «Қызыл әскер ақиқаты» газетінде жұмыс істеген.

1948 жылдан Батыс Қазақстан облысы «Екпінді құрылыс», «Орал өңірі» газеттерінің редакторы қызметін арадағы үзілістермен 1972 ж-ға дейін атқарды. Сондай-ақ Талдықорған облысы «Советтік Жетісу», Атырау облысы «Социолистік құрылыс» газеттеріне де басшылық етті. Бірнеше ордендермен марапатталған.