Эдирне

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Эдирне (қала) – Түркияның оңтүстік-батысындағы қала және аудан. Эдирне илінің әкімшілік орталығы[1].

Түркияның Еуропа бөлігінде, Грекия шекарасындағы Марица өзенінің жағалауында, Болгария шекарасынан 20 км қашықтықта орналасқан. Қала ежелгі фракия елдімекені орнында, Рим императоры Адриан басшылығымен құрылған. 378 жылы 9 тамызда Адрианопольге жақын аймақта император Валент басқарған Рим әскері готтармен шайқасады. Император Валент осы шайқаста қайтыс болып, бүкіл Рим әскері талқандалады. 1362 жылы қаланы осман түріктері басып алады. 1365-1453 жылдар аралығында Осман мемлекетінің астанасы болады. ХVI-XVII ғасырларда Осман империясының Австрия, Речь Посполита, Ресеймен жүргізген соғыстары кезінде қала осман әскерінің шоғырланған жері болды. 1821 жылы гректердің азаттық үшін күресі кезінде түріктер осы қалада Патриарх Кирилл мен адрианополь гректерінің бір тобын асып өлтіреді. Орыс-түрік соғысы кезінде 1829 және 1878 жылдары екі рет орыс әскерлері қаланы жаулап алады. 1913 жылы Лондон келісіміне сәйкес қала Болгарияның құрамына кіреді. Екінші Балкан соғысынан кейін Осман империясына қайтарылады. 1920-1922 жылдары Грекияның құрамында болып, 1923 жылы Лозан келісіміне сәйкес Гректер қаланы Түркия Республикасына беруге мәжбүр болады.

Дереккөздер[өңдеу]

  1. http://ru.wikipedia.org/wiki/%D0%AD%D0%B4%D0%B8%D1%80%D0%BD%D0%B5