Қорқаулар

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Қорқаулар
Қазбалық ауқымы: 26–0 Ma Early Miocene-recent
Қорқаулар: Crocuta crocuta, Hyaena brunnea, Hyaena hyaena және топырақ қасқыры
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Жыртқыштар
Кіші сабы: Feliformia
Тұқымдасы: Hyaenidae
Gray, 1821
Туыстары
Синонимдері
  • Protelidae Flower, 1869

Қорқаулар[1] (лат. Hyaenidae) – сүтқоректілер класы, жыртқыштар отрядының бір тұқымдасы. Сырт пішіні қасқырға ұқсас жыртқыш, артқы аяқтары қысқарақ, алдыңғы аяқтары ұзын, сондықтан денесінің алдыңғы жағы биік. Қорқау қасқырдың 3 туысқа жататын 4 түрі Африка, Оңтүстік-Батыс Азияда, Орталық Азия мен Закавказьеде шөл, шөлейт, тоғайы сирек жерлерде кездеседі. Денесінің ұзындығы 55 – 165 сантиметр, құйрығының ұзындығы 20 – 33 сантиметр, салмағы 10 – 80 килограмм. Басы үлкен, мойны жуан, құлақтары үлкен, жұмырланып тұрады. Мойнының үстіңгі жағында, иық тұсында қылшықты жалы бар. Тістері өте өткір. Тілінде де қатты мүйізді өскіндері бар. өлпанының (жүнінің) түсі қара қоңыр, кей түрінде жолағы немесе дақтары болады. Қорқау қасқыр жеке, кейде жұп құрып немесе топтанып тіршілік етеді. Қорегін түнде аулайды, көбіне өлексемен қоректенеді. Жылына 1 рет күшіктейді. Буаздық мерзімі 90 – 110 күн, көбінесе 2 – 4 (сирек 6), әлжуаз, соқыр күшік табады. Зоологиялық бақтарда 25 жылдай тіршілік етеді. Қорқау қасқырдың 1 түрі мен 1 түр тармағы Халықаралық табиғат қорғау одағының “Қызыл кітабына” енгізілген.

Дереккөздер[өңдеу]

  • (Вс о животных: Млекопитающие и звери, М., 2000.)
  • (Р. Сәтімбекұлы)
  1. "Қазақ энциклопедиясы", VI-том