Polandball

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Polandball мемінің кейпі.

Polandball (countryball атауымен де танымал) — интернет қолданушыларының ықпалынан туған интернет мем, 2009 жылдың екінші жартысында Krautchan.net неміс форумы /int/ бөлімінің қолданушылары ойлап тапқан. Бұл мем көптеген онлайн комикстерде кездеседі, онда мемлекеттер сфералық тұлға күйінде көрсетіліп, ұлттық стереотиптер мен халықаралық байланыстарға қатысты әзілдейді және жазылған сөздері көбінесе ағылшынша беріледі. Комикс стилінің атауы «Polandball» деп те «countryball» деп те аталуы мүмкін.

Пайда болу тарихы[өңдеу]

Polandball-дың пайда болуы — 2009 жылдың тамызында drawball.com сайтындағы Польшаның интернет қолданушылары мен басқалары арасында 'киберсоғыс' кезінен бастау алады. Қолданушыларына виртуалды кенеп ұсынатын drawball.com веб-сайтында өзінің қалаған суретін салуға және басқалардың суретін өзгерту мүмкіндігі бар. Польша интернет кеңістігінде домалақ шарға Польша туын салу идеясы туды. Мыңдаған поляктар кенапты толығымен ақ және қызыл етіп екіге бөліп, ортасына «POLSKA» сөзін жазып қойған болатын. Алайда, 4chan сайтының қолданушылары поляктар салған суреттің үстінен алып фашисттік свастика салып қойды.[1][2]

Krautchan.net сайтының /INT/ бөлімі — көптеген ағылшын тілді желі-қолданушылары кіретін неміс тілді имэйджборд. Polandball мемінің авторы, /INT/ бөлімінің Falco атты британ қолданушысы, 2009 жылы MS Paint бағдарламасы арқылы бұл мемді дүниеге алып келген болатын. Falco басында бұл мемді бейсаясат әрі Wojak атты поляк қолданушысын тролльдеу мақсатында қолданған. Бұдан кейін ерікті орыс тілді қолданушылар мемнің үстінен карикатуралар сала бастады.[1][3][4]

Тақырыптары[өңдеу]

Polandball комиксының мысалы. Эстония және Скандинавия елдері көрсетілген.

Алғашында комикс тақырыптары Польша тарихы, сыртқы саясат, және ұлттық стереотиптерге байланысты болды[3][5]. Polandball комикстерде ұлықтық маниясы мен ұлттық комплекстерге ие кейіпкер ретінде суреттелді[2]. Мемлекет кейпіндегі сфералық кейіпкерлердің арасындағы диалог көбінесе бұрмаланған ағылшын тілінде берілді. Polandball мемін салғанда Польша туы әдейлеп төңкерілген күйінде көрсетіледі (жоғарғы жағы қызыл, ал асты — ақ), ал комикстің соңында жиі Polandball көзіне жас алады.[1][2]

«Polandball» сюжетінің жартысы — Польшада ғарыш бағдарламасының және бұл елдің ғарышқа шығу мүмкіндігінің жоқтығымен байланысты. Өте танымал комикстердің бірі былай басталады: алып метеорит Жер бетіне жақындап, бүткіл тіршілік иесін жоймақшы болады. Мұны білген ғарыш технологиясына ие мемлекеттер Жерді тастап, оның орбитасын айналып ұшып жүреді. Тек Polandball ғана ғарышқа ұша алмай, соңғы сөзін былай аяқтайды: «Poland cannot into space» (Польша ғарышқа шыға алмайды).[3] Осындай қызық тәсілмен орыс қолданушылары қай мемлекеттің күшті екенін көрсетпекші болады.[1][3][5]

Тағы бір комикстің сюжеті тарихи-саяси сатираға негізделген: «So when we crushed Russia and the turks were were the biggest country in the world… and..» («Біз Ресей мен түріктерді талқандаған кезде, біз әлемдегі әң үлкен мемлекет болғанбыз… және тағы..») деген сияқты әңгімелер айтып, Polandball-ға басқа мемлекеттер күле бастайды. Ашуға салынған Polandball «Internet serious business» («Интернет — бұл ойын емес» Талқылауға «серьезно» қара, ешкім ойнап тұрған жоқ деген мағынада) деген жазуы бар тақтайды көрсетіп, kurwa деп айқайлайды. Комикстің соңында Polandball тағы да көзіне жас алады.[1][2][6]

Басқа «countryball» мемдері[өңдеу]

Polandball стиліндегі Ұлыбритания мемінің кейпі.

«Polandball» комикстерінде басқа да мемлекеттер кездеседі (оларды да кейде Polandball деп атайды[1]), дегенмен оларды басқаша countryball деп те атаса болады-мыс.[4] Шар күйінде мемлекеттермен қоса олардың бөліктерін де салады. Мысалы, АҚШ штаттарының, неміс Бавариясының, испандық Каталонияның және орыс Сібірінің де countryball кескіндері бар.

Кейбір мемлекеттер өзгеше фигурада көрсетіледі. Мысалы, Сингапур төртбұрыш күйінде салынады және Трингапур деп аталады; Израиль гиперкуб формасында, ал Қазақстан тіктөртбұрышты кірпіш формасынна енген. Ұлыбритания үнемі цилиндр тәріздес қалпақ киіп жүреді.

Дереккөздер[өңдеу]

  1. a b c d e f Orliński, Wojciech. Wyniosłe lol zaborców, czyli Polandball (Polish), Gazeta Wyborcza (16 January 2010). Тексерілді 25 наурыздың 2012.
  2. a b c d Zapałowski, Radosław. Znowu lecą z nami w... kulki (Polish), Cooltura (15 February 2010). Тексерілді 22 наурыздың 2012.
  3. a b c d Kapiszewski, Kuba. Fenomem - Polska nie umieć kosmos (Polish), Przegląd (13/2010). Тексерілді 26 наурыздың 2012.
  4. a b Polandball. Knowyourmeme. Тексерілді, 26 March 2012.
  5. a b Cegielski, Tomek. MEMY. Legendy Internetu (Polish), Hiro.pl (12 April 2011). Тексерілді 24 наурыздың 2012.
  6. Polandball cartoon. Unknown (Unknown). Тексерілді, 26 наурыз 2012.

Сыртқы сілтемелер[өңдеу]

Ортаққорда бұған қатысты медиа санаты бар: Polandball