Ефремов Филипп Сергеевич

Үлгі:Қорық аймақ‎ Ефремов филипп сергеевич  (1750 — 1811) — орыс саяхатшысы. Орынбор губерниясының шекаралық аудандарында әскери қызметте болған. 1774 ж. Ресей мен Қазақ даласы шекарасындағы Теңіз қарауылында әскери қызметте жүріп, тұтқынға түседі, одан Бұхар ханы Даниярбекке құлдыққа сатылады. Тұтқында жүріп, Е. түркі, парсы тілдерін үйреніп, шығыс халықтарының әдет-ғұрпын, мәдениетін зерттейді. Бұхар ханының сеніміне ие болып, ол бұхар әскерінің құрамында соғыстарға қатысып, жауынгерлік ерлік көрсетеді. Хан оны жүзбасы, кейіннен емші етіп Хиуаға, Иранға жұмсайды. Көп ұзамай Е. Бұхарадан қашып кетіп, Қашқария, Тибет, Үндістанды аралап, Англия арқылы 1784 ж. Ресейге қайта оралады. Ресейге келген соң, Е. Шет елдер коллегиясында шығыс тілінен аудармашы болып істеді. Е-тің тұтқындағы және саяхат кезіндегі көрген-білген жазбалары 1786 ж. Петербургте басылып шықты. Оның жазбаларында өзі болған мемлекеттердің тарихы жайындағы мәліметтер, Бұхардың, Хиуаның, Қызылқұмның табиғаты туралы қызғылықты деректер келтірілген.  Әдеб.: Бейсенова Ә. С., Қазақстан табиғатын зерттеу және физикалық география идеяларының дамуы, А., 1990.