Қосу

ҚОСУ — берілген бірнеше санның қосындысы анықталатын арифметикалық амал. a және b сандарын қосу нәтижесінде a мен b сандарының (яғни қосылғыштарының) қосындысы деп аталатын x саны пайда болады. Қосу амалы орындалған өрнек былайша жазылады: $~x=a+b,$ $~a$ — қосылғыш, $~b$ — қосылғыш, $~x$ — қосынды. Қосу амалының нәтижесі ($~x$) — қосынды деп аталады. Қосу амалына барлық сан аймағында (облысында) шектеу жоқ, бір мәнді орындалады.

Кез келген $~a,b$ және$~c$ сандары үшін сәйкес аймақтарда (облыстарда) қосу амалының заңдылықтары тура:

• $~a+b=b+a$ (ауыстырымдылық);

• $~a+(b+c)=(a+b)+c$ (терімділік);

• $~a+0=0+a$ ($~0$ — қосуға қатысты бейтарап элемент).

Ауыстырымдылық пен терімділік заңдары қосылғыштардың реттілігі қосындыға әсер етпейтіндігін дәлелдейді.

Қосу амалын "$~+$" ("плюс") таңбасымен белгілеуді 1489 жылы чех математигі Ян Видман (1460 — XVI ғ.) ұсынған.