Ахсан әт-тақасим фи мағрифат әл-ақалим

Уикипедия — ашық энциклопедиясынан алынған мәлімет
Навигацияға өту Іздеуге өту

Ахсан Ат-Тақасим Фи Марифат Әл-Ақалим - (“Аймақтар жөнінде мағлұмат беретін таңдаулы тарау”) — Шамс әд-Дин Әбу Абдоллах Мухаммед әл-Мұқаддасидің тарихи-географиялық шығармасы. Шамамен 986 жылы жазылған. Классик. үлгіде жазылған бұл шығармада автордың тікелей өзі куә болған оқиғалар баяндалады. Еңбек 2 бөлімнен тұрады. Жалпы географиялық, өмірбаяндық мағлұматтар қамтылған кіріспеден соң 7 климатқа бөлінген Жер бетіне, 14 облыс-климатқа бөлінген ислам елдеріне жалпылама сипаттама жасалады. Қалалар мен елді мекендердің топографиясы нақты көрсетіліп, ондағы халықтардың саны, этникалық құрамы, тілі, діні, тұрмыс-тіршілігі, әдет-ғұрпы жөнінде мәліметтер беріледі. Әр елдің экон. жағдайы кең түрде қарастырылады: ауыл шаруашылығы, оның ішінде мал шаруашылығы, пайдалы қазбалары, кен орындары, сауда қатынасы, салық жүйесі егжей-тегжейлі баяндалған. Оңтүстік Қазақстандағы халықтар, олардың тайпалық құрамы жөнінде құнды деректер келтірілген.[1][2]

Дереккөздер[өңдеу | қайнарын өңдеу]

  1. ↑ Крачковский И.Ю., Материалы по истории туркмен и Туркмении, т. 1, VІІ-XV в.в. Арабские и персидские источники, М., 1939. Избр. соч., т. 4, М.-Л., 1957.
  2. ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том


Мақала бастамасы Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.
«https://kk.wikipedia.org/w/index.php?title=Ахсан_әт-тақасим_фи_мағрифат_әл-ақалим&oldid=2403411» бетінен алынған