Балқаймақ (күй)
Балқаймақ күйі — көңілді, жүректен шығатын шығарма. "Балқаймақ" басынан аяғына шейін үш ширек өлшемнен ауытқымайды. Күйді тыңдаған адам жазғы кеште жайлауда, киіз үйдің ішінде, түйе сүтін қатып сызыла шай құйып жаныңды қуанышқа бөлеген сезімтал да әсем қарындастың жанында отырғандай нәзік әсерде қалады. Бұл күйді домбырашы Хайрошев 1956 жылы Алматының Құрманғазы атындағы мемлекеттік консерваториясының домбыра класын жүргізуші педагог Хабидолла Тастановқа орындап берген.
Күйдің шығу тарихы[өңдеу | қайнарын өңдеу]
Құрманғазы нағашыларында бір жылдай болып, еліне қайтып келе жатып, ең далада жалғыз қараша үйді көріп, тынығып шығуды ұйғарады. Үйге келсе, онда жалғыз қыздан басқа жан жоқ екен. Ол шаршап келген сазгерді жақсы қарсы алып, түйе сүтін қатып шай береді. Сазгер шайға қанып, ол оған бал татыған қаймақтай әсер етіп, қызға разы болғандықтан күй шығарып, оны "Балқаймақ" атаған екен.[1]
Дереккөздер[өңдеу | қайнарын өңдеу]
- ↑ "Құрманғазы" жинақ кітабы - Алматы, "Арыс" қоры баспасы, 2012 жыл.
| ||||||
