Жәңгір хан атындағы Батыс Қазақстан аграрлық-технологиялық университеті

Жәңгір хан атындағы Батыс Қазақстан Аграрлық-Технологиялық Университеті - Батыс Қазақстан облысының ауыл шаруашылығы мамандарын даярлайтын жоғары оқу орны.

Тарихы

1963 жылы Батыс Қазақстан ауыл шаруашылық институты болып ашылған. 1996 жылы Батыс Қазақстан Аграрлық Университеті болып қайта құрылды. 2000 жылы Батыс Қазақстан мемлекеттік университетінің құрамына кіріп, 2002 жылы қайтадан жеке болып, Батыс Қазақстан аграрлық-технологиялық университеті атына ие болды. 2003 жылы университетке Жәңгір хан есімі берілді.

Ішкі құрылысы

Университетте 6 факультет: политехникалық, машина жасау, экономика және бизнес, агрономия, ветеринарлық медицина және биотехнология факультеттері және аспирантура бар. Онда он үш мамандық бойынша аспиранттар әзірленеді. 24 кафедра, төрт оқу ғимараты, 4 жатақхана, мал дәрігерлік клиника, спорт кешені, мәжіліс залы, 300 мыңнан аса кітап қоры бар кітапхана студенттерге қызмет етеді. Университетте оқу-әдістемелік құралдар шығаратын баспа бөлімі, “Зерде” ғылыми-өндірістік орталығы, жүк сертификаттау зертханасы жұмыс істейді. Университет қалашығының аумағы 100 га. Университет ғалымдары етті сиырдың (қазақтың ақ бас сиыры), жылқының (көшім жылқысы), қойдың етті, жүнді (Батыс Қазақстан қойы), бидайдың (“Эритроспермум-74”, “Лютосценс-86”, “Ақтөбе-74”), тарының жаңа тұқымдары мен сорттарын шығаруға, Жайық өңірінің далалық аймақтарында топырақ құнарлылығын арттыру, ауыспалы егіс жүйесін жасау, дәнді және азықтық дақылдарды өңдеудің ғылыми негіздерін зерттеуге үлкен үлес қосты. 1965 - 1997 жылы 76 авторлық куәлік, 3 патент иеленіп, 18 өнертапқыштық ұсыныс жасады. Осы жылдар ішінде университеттті 16 мыңнан астам студент бітіріп шықты. Күндізгі бөлімде 2500-дей, сырттай оқу бөлімінде 1500-дей студент (алыс және жақын шет елдерден 68 студент) білім алады, 238 оқытушы, оның ішінде 19 ғылым докторы, 104 ғылым кандидаты, Қазақстан Ғылым Академиясының 1 академигі, 2 корректор мүшесі еңбек етеді (1999).

Сілтеме

• http://www.fincenter.kz/kz/university/element.php?ELEMENT_ID=939(қолжетпейтін сілтеме)
• http://www.portal.edu.kz/index.php?id=312&no_cache=1&L=1&tx_edumngr_action=single&uid=26(қолжетпейтін сілтеме)