Корона (фабрика)

«Корона» фабрикасы - Бүгінгі таңда Қазақстандағы ұн және макарон өндіру бойынша көшбасшы фабрика болып табылады. Сонымен қатар, «Корона» компаниясының өнімдері көптеген халықаралық көрмелерге шығуда. АҚ «Қостанай ұн» бірлестігінің бас директоры Микетка Александрдың айтуынша, олардың тауарларының табысты болуы мына шарттарға негізделген: - Тұтынушылардың сұранысына назар аудару; - Қазіргі заманға сай технологиялар қолдану; - Өндірістің барлық кезеңдерінде өнімнің сапасын қатаң бақылау; - Клиенттермен әріптестік жасау, қарым-қатынас дамыту; - Компанияда жұмыс істейтін ұжымның бірлігі. АҚ «Қостанай ұн» фабрикасының салтанатты ашылуына Елбасымыз да қатысқан. Президентімізге іске қосу батырмасын басу құрметпен берілген. Сол сәттен бастап елімізде жаңа кәсіпорын жұмыс атқаруын бастады. «Астана Групп» компаниясының президенті Нұрлан Смағұлов мәлімдемесіне сүйінсек, «Корона» фабрикасы индустриялық-инновациялық дамуға байланысты макарондарды жаңа технологиялармен жасау проектін жүзеге асырды. Бұл Қазақстандағы ең ірі макарон фабрикасы болып табылады. «Қазақстанда жасалған» таңбасы бар өнімдер тек Қазақстанда ғана емес, шетел елдерде де өте танымал болуда. Бұл пікірді мемлекетіміздің басшысы итальяндық астық өнімдер фабрикалардың жабдықталуын қарастырғанда айтқан. Ол қазақстандықтар итальян халқымен бәсекелесе алады деген ойда. Әсіресе, бұндай табысқа Қостанай облысының астық өнімдері мүмкіндік береді. Жаңартылған зауыт инвестициялық жоба болып табылады, яғни нарықтың барлық талаптарына сай келеді. Елбасымыздың ойынша, бұл жоба сыртқы сауданы жаңа сатыға көтерілуіне әкеле алады. «Корона» компаниясы - Қостанай облысының мақтанышы, себебі оның өнімдері бүкіл ел бойынша үлкен сұранысқа ие.