Лерней гидрасы

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Лерней гидрасы (көне грекше: Ὕδρα, «су жыланы») — ежелгі грек мифологиясында Тифон мен Ехиднаның қызы, жерасты суларында мекен еткен, улы демі бар, жылан тәріздес құбыжық. Аңыздарға сүйенсек оның тоғыз басы бар, оның бір кесілген басының орнына тағы екі(кей деректерде үш) бас өсіп шығады және оның бір басы мәңгі жасайды. Гидраны Гера Гераклға кесел келтіру мақсатында өсірген.

Антонио дель Поллайоло. Гераклдың лерней гидрасымен айқасы

Гераклдың екінші ерлігі[өңдеу]

Геракл қасына Иолайды ертіп, Афинаның кеңесін тыңдап, мыстан жасалған қарумен жарақтанып, Лернаға аттанды. Гидра Лерна көлінің маңын мекен етіп, Аидтың жерасты патшалығына баратын жолды күзетіп отыр екен. Геракл батпақ арасындағы үлкен төмпешікке қарай аттанды. Оның жанында жартылай ағаштармен жасырынған үңгірдің аузы бар болатын. Үңгірден қаһарлы дыбыс шығып тұрды. Артынша сыртқа ұзын мойынды бірнеше бас шығады. Геракл құбыжықтан да шапшаң қимылдап, гидраға өзінің жебелерін ата бастайды. Гидра ашуланып, құйрығымен батырды құлатпақ болды. Алайда батыр тапжылмай, бір орында тұра берді. Геракл өзінің шоқпарымен гидраның бастарын бірінен кейін бірін құлата бастады. Артынша ол бір бастың орнына тағы да екі бас пайда болғанын байқады. Гидраға да көмек жетіп келіп, Гера жіберген шаян Гераклдың қимылдауын қиындатты. Осы уақытта оған көмекке досы Иолай келді. Ол шаянды алысқа лақтырып, оны өлтірді. Иолай гидраның бастарын өртей бастады, сол уақытта ол жерден екі бас шығуын тоқтатты. Гидра Зевстің ұлына қарсы тұра алмай, әлсірей бастады. Бір уақытта гидраның соңғы, өлмейтін басы да ұшып түсті. Геракл оны терең жерге көмді де, үстінен ауыр жартаспен басып қойды. Кей деректерде Ефрисфей Гераклдың бұл ерлігін оған Иолай көмектескендіктен, санамай койған деп те жазылады.

Ортаққорда бұған қатысты медиа санаты бар: Lernaean Hydra