Юрий Николаевич Малахов

Малахов Юрий Николаевич (1925, Орынбор – 1944, Калининград облысы Гусев қаласы) – Кеңес Одағының батыры, (1944, қаза тапқаннан кейін), гвардия кіші лейтенанты. Ақмолада 1933 жылдан бастап тұрған. Полтава танк училищесін бітірген (1944). 3-Белорусь майданының 26-гв. танк бригадасының құрамында болып, Белорусьті, Балтық маңын жаудан азат етуге қатысты. Шығыс Пруссиядағы Ниса көлінің батыс жағалауында болған шайқаста жау танкісінің шабуылына тойтарыс беру кезінде көзге түскен. Гусев қаласындағы көше және мектепке, Астана қаласындағы көше, мұхит лайнеріне Малахов есімі берілген. В.Гундарев Малахов туралы «Вечное девятнадцатилетие» деректі повесін жазған.