Шараф Ад-Дин Әли Йезди

ШАРАФ АД-ДИН ӘЛИ Иезди (т. ж. белгісіз —1454 ж. ө.) —15 ғасырдағы тарихшы әрі ақын. Иезді деген жерден шыққан. Әдеби лақап аты — Шараф. Ол Шахрух пен оның баласы Ибрагим сұлтанның сарайында қызмет атқарды. Әмір Темірдің ресми өмір тарихын баяндайтын «Зафарнама-йи Тимури» («Темірдің жеңістері туралы кітап») және «Мукаддима-ий Зафар-нама») («Жеңіс кітабына алғы сөз») атты еңбектердің авторы. «Зафарна-ма-ий Тимури» 14 ғасырдың аяғы мен 15 ғасырдың бас кезіндегі Орта Азия, Иран және Ауғанстан тарихын қамтитын негізгі еңбектердің бірі. Лирикалық өлеңдер жазумен қатар жұмбақтар жинағын, араб және парсы өлеңдері антологиясын құрастырды. Еңбектерінің негізгі бөлігі парсы тілінде Калькуттада (1887—88), Тегеранда (1957), Ташкентте (1972) жарық көрді.