Александр Иванович Щербаков

Щербаков Александр Иванович (28.12.1925 ж.т., Ресей, Свердловск облысы Алапаевск қ.) – экономика ғылымының докторы (1984), профессор (1986). Мәскеу инженерлік-экономика институтын (1962, кейіннен Басқару институты) бітірген. КСРО ғылым академиясының Сібір бөлімшесінде кіші, аға ғылыми қызметкер (1963–73), Новосибирск қаласындағы Инженер-құрылыс институтында доцент (1973–78) және Халық шаруалар институтында доцент, профессор (1978–85) болды. 1986 жылдан Алматы архитектура-құрылыс институтында (қазіргі Қазақ Бас сәулет-құрылыс академиясы) кафедра меңгерушісі қызметтерін атқарған. Ғылыми жұмысының негізгі бағыты – ғылыми-техника прогресті басқаруды жоспарлау мен ұйымдастыру динамикасы. ^[1]