Михаил Васильевич Яглинский

Уикипедия — ашық энциклопедиясынан алынған мәлімет
(Яглинский Михаил Васильевич бетінен бағытталған)
Jump to navigation Jump to search

Яглинский Михаил Васильевич[1](1922, Бурабай ауданы Клинцы ауылы – 1978, Макинск қаласы) – Кеңес Одағының батыры (1945). Алматы жоғары партия мектебін бітірген (1949). Еңбек жолын 1937 ж. Макинск темір жол бекетінде жол тексерушісі болып бастаған. 1942 ж. қантарынан армия қатарында. Аға сержант Яглинский 124-атқыштар бригадасында, кейіннен 158-атқыштар дивизиясында барлаушы болды. Кіші лейтенанттар курсын бітірген соң барлаушылар взводын басқарды. 1944 ж. қазанның аяғында Лайжува селосына (Латвия) барлау жүргізу кезінде ерекше көзге түсті. 1946 ж. запасқа шықты. 1970 жылдан Макинск қаласында партия және шаруашылық жұмыстарында болып, зейнеткерлік демалысқа шықты. КСРО ордендері, медалдарымен марапатталған. Яглинскийдің құрметіне Макинскдегі бір көшеге есімі берілген. Яглинский атындағы жүлде үшін жеңіл атлетикадан облысы және ауданы жарыстар өткізіліп тұрады.

Дереккөздер[өңдеу]

  1. Қазақ Энциклопедиясы