Әйтеке би атындағы көше (Алматы)

Көшеге қазақтың атақты үш биінің бірі, Тәуке ханның кеңесшісі, әйгілі сөз шебері, қазақ халқының жоңғарларға қарсы күресін ұйымдастырушылардың бірі, қазақтың тұңғыш заңнамалық құжаты «Жеті Жарғыны» дайындаушылардың бірі, Кіші жүздің биі Әйтеке Байбекұлының есімі (Алматы қаласы әкімінің 17.07.1992 № 294 шешімі) берілген. Әйтеке би Бәйбекұлы (1644-1700) Батыс Қазақстанда дүниеге келген.

Көше Орталық демалыс паркінен басталып, Әйтиев көшесіне барып тіреледі. Әуезов, Алмалы, Жетісу, Түрксіб, Медеу аудандарын қиып өтеді. Қалдаяқов, Төлебаев, Фурманов, Панфилов, Желтоқсан, Наурызбай батыр, Байтұрсынов, Шарипов, Қожамқұлов, Байзақов, Мирзоян, Мұратбаев, Нұрмақов көшелері және Сейфуллин, Абылай хан даңғылдарымен қиылысады.

Көшенің бұрынғы атаулары:

• Октябрьская;
• 19 ақпан;
• Балқаш көшелері.

Көшенін ұзындығы-4900 метр.