Ішек

Ішек — музыкалық аспапқа арнайы жасалған, дыбыс-үн шығару мақсатымен оған тағылатын жіңішке жіп-сым (қыл). Муз. аспаптың түріне қарай ол әдетте малдың ішек-сіңірінен, аттың қылынан, пластмассадан, жібек пен сымнан да жасала береді. Белгілі бір муз. аспаптың жіңішке жіп-сымы мен қылын созып тартқан сайын оның дыбыс-үні де жоғары әрі ашық болып шығады. Кейбір муз. аспаптардың, мыс., толымдырақ болу үшін балалайканың І-і әдетте жіп-жіңішке сыммен оралады. Қазақтар ертеден-ақ малдың (мыс., қой мен ешкінің) ішектерін домбыраға, ал қобызға жылқының қылын қолданған; қазіргі кезде домбыраға зауыттан арнайы жасалып шығарылатын төртінші немесе бесінші нөмірлі кетгут пайдаланылады.